১ শমূয়েল 16:20 - Chakma Bible

²⁰ যিশয় সেক্কে কিজু পিদে, চামড়্‌ থৈইলেত্‌ গুরি এক থৈল্যে আংগুর-রস আর এক্কো ছাগল ছঅ এক্কো গাধার পিদিত্‌ তুলি দিলো আর সিবে তার পূঅ দায়ূদরে দিইনে শৌলর ইদু পাধেই দিলো।

১ শমূয়েল 16:20 ပူးပေါင်းရင်းမြစ်များ

পত্থম 43:11

তারা বাপ্পো সেক্কে কলঅ, “যুনি সিয়েন গরা পরে, সালে এক্কান্‌ কাম্‌ গরঅ। বোক্‌শিজ্ ইজেবে সে মানুচ্চোত্তে তমা বস্তাগুনোত্‌ গুরি এ দেজর্‌ বেগত্তুন্‌ গম্‌ গম্‌ জিনিযোত্তুন্‌ কিজু কিজু নেযঅ, যেন্‌ গুগ্‌গুলু, মধু, তুম্বাস্‌ মজলা, গন্ধরস, পেস্তা আর বাদাম।

গম্ উপদেজ্ 18:16

বক্‌শিজ্‌চানিয়ে মান্‌জ্যত্তে পথ বানেই দে আর দাঙর্ মানুচ্চুনো মুজুঙোত্ তারে হাজির্ গুরিনে।

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।

১ শমূয়েল 10:4

তারা তরে ভালেদি জানেইনে দ্বিয়েন রুটি দিবাক্ আর তুই সিয়েনি তারার আঢত্তুন নিবে।

১ শমূয়েল 16:19

এই কধাগান শুনিনে শৌল যিশয়র ইদু মানুচ্‌ পাদেইনে কলদে যেনে তে তার য়েমান চোড়েইয়্যে পূঅ দায়ূদরে তাইদু পাধেই দে।

১ শমূয়েল 17:18

আর এই দশ তাল পনীর তারার্‌ চেলাগুনোত্তে নেযা। তর্‌ ভেইয়ুনে কেন্‌জান্ আগন্‌ সিয়েন চেই এজঅ আর তারাত্তুন্‌ কনঅ এক্কান চিহ্নো লোই আনঅ।

১ শমূয়েল 25:18

এ কধাগান শুনিনে অবীগলে আর দেরী ন-গুরিলো। তে দ্বিশত্‌ পিদে, চামর্‌ দ্বিথৈল্যে আংগুরো-রস, পাচছুয়ো ভেড়াছাগলর্ য়েরা, পাচ্ বস্তা ভাজি গোজ্যে শোজ্য, একশঅ তাল কিশমিশ আর দ্বিশঅ তাল ডুমুর লোইনে গাধা পিদিত্‌ তুলি দিলো।