১ শমূয়েল 16:15 - Chakma Bible

¹⁵ সিয়েন দেগিনে শৌলর কামগুরিয়েগুনে তারে কলাক্, “গোজেনর ইত্তুন্‌ এক্কান ভান্ন্যেই আত্মা এইনে তরে অমহদ দর্‌বুগ্ দেগার্‌।

১ শমূয়েল 16:15 ပူးပေါင်းရင်းမြစ်များ

বিচের গুরিয়্যেগুন 9:23

সে পরেন্দি গোজেন অবীমেলকরে আর শিখিমোর মানুচ্চুনো ভিদিরে এক্কান ভাজ্‌ন্যেই আত্মা পাধেই দিলো। সেক্কে শিখিমোর মানুচ্চুনে অবীমেলকর লগে ফাগারা গুরিলাক্‌।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।

১ শমূয়েল 16:16

ও মর্‌ প্রভু, মর্‌ মুজুঙোত্‌ আঝিল্ ওইয়্যে এই চাগরুনোরে উগুম দে যেনে তারা যেইনে এন্‌ এক্কো মান্‌জ্যরে থগান্‌ যে দোলেদালে বীণা বাজেই পারে। যেক্কে সেই ভান্ন্যেই আত্মাগান গোজেনর ইত্তুন্‌ তঅ উগুরে এবঅ সেক্কে তে তরে বীণা বাজেইনে শুনেব আর সেক্কে তর্‌ গম্‌ লাগিবো।”

১ শমূয়েল 18:10

তার কেল্যে গোজেন ইত্তুন্‌ এক্কান ভান্ন্যেই আত্মা শৌল উগুরে এলঅ। তে নিজোর ঘর ভিদিরে আবোল-তাবোল কধা কুয়া ধোজ্যে। সেক্কে দায়ূদে অন্য দিনো ধোক্ক্যেন তা মুজুঙোত্‌ বীণা বাজা ধুরিলো। শৌলর আঢত্‌ এলদে এক্কো সেল্।

১ শমূয়েল 19:9

পরেন্দি লগেপ্রভুর ইত্তুন্‌ এক্কান্‌ ভান্ন্যেই আত্মা শৌল উগুরে এলঅ। শৌল সেক্কে তার্‌ ঘরত্‌ বোইদে এলঅ আর তা আঢত্‌ এক্কো সেল্‌ এলঅ, আর দায়ূদে বীণা বাজার্‌।