১ শমূয়েল 15:35 - Chakma Bible

³⁵ শমূয়েলে যেদকদিন বাঁজি এলঅ সেদকদিন তে শৌল সমারে আর দেগা ন-গরে। ইস্রায়েলীয়গুনো উগুরে শৌলরে রাজা গরানাগান লগেপ্রভুর দুঘোর্ বেপার ওইয়্যে বিলি শমূয়েলে তাত্তে দুঃখো গুরিলো।

১ শমূয়েল 15:35 ပူးပေါင်းရင်းမြစ်များ

পত্থম 6:6

সেনে লগেপ্রভু মনত্‌ দুখ্‌ পেলঅ। তে পিতথিমীয়ানত্‌ মানুচ্‌ বানেয়্যে বিলি দুখ্‌ পেইনে কলঅ, “মর্ বানেয়্যে মানুচ্চুনোরে মুই পিত্‌থিমীগান উগুরেত্তুন্ তুলি দিম; আর তা লগে বেক পরাণবলাগুন, বুগেদি-আঢি বেড়েয়্যে প্রাণী আর আগাজ পেক্কুনো তুলি দিম্‌ । ইগুনোরে বানেয়োং বিলিনে মঅ মনত্‌ কষ্ট অর্‌।”

২ শমূয়েল 6:23

শৌল ঝি মীখলর মরণ সং তার কনঅ ঝি-পূঅ ন-অলাক্।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 119:158

কুজুরোমিগুনোরে রিনি চেলে মত্তুন্ ঘিন্ লাগে, কিত্তে তারা তঅ কধামজিম্ ন-চলন্।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 19:24

তে তার পোজাক্কান্‌ খুলি ফেলেইনে শমূয়েলর মুজুঙোত্‌ ভাববাদী ইজেবে গোজেনর কধা কুয়ো ধুরিলো। তে পুরো দিন্নো আর পুরো রেত্তো কাবড়-চুগোর নেইয়্যে গুরি পড়ি রলঅ। সেনত্যেই মান্‌জ্যে কন্‌, “শৌলেয়ো কি সালে ভাববাদীগুনো ভিদিরে এক্কো?”