১ শমূয়েল 15:26 - Chakma Bible

²⁶ মাত্তর্‌ শমূয়েলে তারে কলঅ, “মুই তঅ সমারে ন-যেম্‌। তুই লগেপ্রভুর উগুম এলাফেলা গোজ্যচ্‌ সেনত্তেই লগেপ্রভুয়ো তরে ইস্রায়েলীয়গুনোর রাজা ইজেবে এলাফেলা গোজ্যে।”

১ শমূয়েল 15:26 ပူးပေါင်းရင်းမြစ်များ

পত্থম 42:38

মাত্তর্‌ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্‌ যুনি তার্‌ কনঅ দজা অয়্‌ সালে এ বুড়ো বয়জত্‌ বোউত্‌ দুঘে তুমি মরে মরণ জাগাত্‌ পাদেবা।”

২ শমূয়েল 12:9

মাত্তর্‌ লগেপ্রভুর চোগোত্‌ যিয়েনি বজং সিয়েনি গুরিনে কিত্তে তুই তা কধানি ঈচ্ গুরিলে? তুই হিত্তীয় ঊরিয়রে মারে ফেলেয়োচ্‌ আর তা মোক্কোরে নিজোর্‌ মোক্‌ বানেয়োচ, আর অম্মোনীয়গুনোরে দিইনে তুই ঊরিয়রে মারে ফেলেয়োচ্‌।

২ শমূয়েল 7:15

মাত্তর্‌ মঅ কোচ্‌পানাগান মুই কনদিন্‌অ তা উগুরেত্তুন তুলি ন-নেযেম্, যেধোক্ক্যেন গুরি মুই শৌল উগুরেত্তুন তুলি নেযেয়োং আর তঅ পথ্‌তানত্তুন্‌ তারে সোরেই দুয়োং।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

হোশেয় 13:11

সেনত্তে মুই অমকদ বেজার্ ওইনে তরে এক্কো রাজা দুয়োং আর মর্ রাগে তারে নেযেয়োংঅ।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

প্রেরিত্‌ 13:22

সে পরেদি গোজেনে শৌলরে সোরেই দিইনে দায়ূদরে রাজা বানেল। তে দায়ূদো পৌইদ্যেনে কোইয়্যেদে, মুই যিশয় পুয়ো দায়ূদো ভিদিরে মর্ মন মজিম্ মানুচ্চোরে তোগেই পেয়োং। মুই যিয়েন চাং তে সিয়েনই গুরিবো।

২ যোহন 1:11

যে তারে ভালেদি জানায় তে তার্ ভান্ন্যেই কামর্‌অ ভাগ লয়।

১ শমূয়েল 13:14

মাত্তর্‌ ইক্কিনে তর্‌ রাজাগিরিগান আর ভালোকদিন ন-টিগিবো। লগেপ্রভু তার মনে মন্‌জক্কাগুরি এক্কো মান্‌জ্যরে তোগেই নেযেয়্যে আর তারেই তা মানুচ্চুনোর নেতা নেযেয়্যে, কিত্যে তা উগুমানি তুই পালন ন-গরচ্‌।”

১ শমূয়েল 15:23

উল্লোমি গরানা আর যাদু-মন্ত্রর কাম গরানা এক্কুই পাপ; অবাধ্য অনা আর মূত্তি পূজোনা এক্কুই অন্যেয়। তুই লগেপ্রভুর উগুম এলাফেলা গোজ্যস্‌ সেনত্তে তেয়ো তরে রাজা ইজেবে এলাফেলা গোজ্যে।”

১ শমূয়েল 15:31

সেনত্তেই শমূয়েলে শৌল সমারে গেলঅ আর শৌল লগেপ্রভুর উবোসনা গুরিলো।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।

১ শমূয়েল 28:18

তুই লগেপ্রভুর কধা ন-শুনোচ্‌ আর অমালেকীয়গুনোর বিরুদ্ধে তার যে অমকদ রাগ সিয়েনি তর্‌ কামর্‌ ভিদিরেন্দি ফগদাং ন-গরচ্‌, সেনত্যে তে এচ্চ্যে তঅ উগুরে এধোক্ক্যেন গোজ্যে।