১ শমূয়েল 15:24 - Chakma Bible

²⁴ শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।

১ শমূয়েল 15:24 ပူးပေါင်းရင်းမြစ်များ

পত্থম 3:12

আদমে কলঅ, “যে মিলেবো তুই মরে সমাজ্যে ইজেবে দুয়োচ্‌ তেয়-ই মরে সে গাজ্‌চো গুলোগুন দিয়্যে আহ্ মুই সিগুন হেইয়োং।”

পত্থম 3:17

পরেদি তে আদমরে কলঅ, “যে গাজ্‌চো গুলোগুন হেবাত্তে মুই মানা গোজ্যং তুই তঅ মোগো কধা শুনিনে সিগুন হেইয়োচ্‌। সেনে তত্ত্যে মাদিগান অভিশাব্ পেলঅ। সারা জীংকানিবর্‌ অমকদ দুঘো কামগুরিনে তে তুই মাদি উগুরে খেত-খেত্তি হেই পেবে।

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

ইয়োব 31:34

সেনত্তে মুই মানুচ্চুনোরে ন-দোরেদুং, আর মঅ বংশর মানুচ্চুনোর ঘিনেনার দরে মুই ঘরত্ জুরো গুরি বুয়োই ন-থেদুং।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

যাত্রা 10:16

সেক্কে ফরৌণে যাদিমাদি মোশি আর হারোণরে ডাগি আনিনে কলঅ, “তমার গোজেন লগেপ্রভু ইধু আর তমা বিরুদ্ধে মুই পাপ গোজ্যং।

যাত্রা 23:2

দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

যাত্রা 9:27

ফরৌণে সেক্কে মোশি আর হারোণরে ডাগি আনিনে কলঅ, “এবেরা মুই পাপ কাম গোজ্যং। লগেপ্রভু ঠিগ্ কামান্‌ গোজ্যে। মুই আর মঅ মানুচ্চুনে দুষী।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিরমিয় 38:5

জোবত্ রাজা সিদিকিয় কলঅ, “তে দঅ তমা আঢত্ রোইয়্যে; রাজা তমা বিরুদ্ধে যেই ন-পারে।”

গণাণা 22:34

সেক্কে বিলিয়মে লগেপ্রভুর দূত্‌তোরে কলঅ, “মুই পাপ গোজ্যং। মুই বুঝি ন-পারং, তুই মরে মানা গুরিবাত্তে পদথ্‌ থিয়্যেই আগচ্‌। তুই যুনি বেজার্‌ অচ্‌ সালে মুই ফিরি যেম্‌।”

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

১ শমূয়েল 15:15

জোবত্‌ শৌল কলঅ, “অমালেকীয়গুনো ইত্তুন্‌ ইগুনোরে আনা ওইয়্যে। তর্‌ গোজেন লগেপ্রভুর নাঙে উৎসর্ব গুরিবাত্তে সৈন্যগুনে গম্‌ গম্‌ গোরু আর ভেড়াছাগল রাগেই দুয়োন; মাত্তর্‌ বাদ্‌বাগি বেক্কানি আমি এক্কুবারে শেজ্‌ গুরি দিয়্যেই।”

১ শমূয়েল 15:30

শৌলে কলঅ, “মুই পাপ গোজ্যং; তো মর্‌ কোজোলীগান্ ইয়েন, মঅ জাদর্‌ বুড়ো নেতাগুনো ইদু আর ইস্রায়েলীয়গুনোর মুজুঙোত্‌ মর্‌ সর্মানান্‌ রাগঅ। মুই যেনে তর্‌ গোজেন লগেপ্রভুর উবোসনা গুরি পারং সেনত্তেই তুই মঅ সমারে আদিচ্‌।”

১ শমূয়েল 15:9

মাত্তর্‌ শৌল আর তার সৈন্যগুনে অগাগরে বাঁজেই রাগেলাক্ আর অমালেকীয়গুনোর গম্‌ গম্‌ গোরুগুন, ভেড়াছাগলুন, পক্তা-মক্তা গোরুছঅগুন আর ভেড়াছাগল ছঅগুন, এক কধায় তারার যিয়েনি গম্‌ এলঅ সিয়েনি তারা বাঁজেই রাগেলাক্। সিয়েনিরে ভস্ত গুরি দেদে তারা রাজী ন-অলাক্, মাত্তর্‌ অকেজো আর পিড়েদোজ্যেগুনোরে তারা এক্কুবারে শেজ্‌ গুরি দিলাক্।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”