১ শমূয়েল 15:20 - Chakma Bible

²⁰ শৌল কলদে, “মাত্তর্‌ মুই দঅ লগেপ্রভুর উগুমান পালেয়োং। যে কামত্‌ লগেপ্রভু মরে পাদেয়্যে মুই সেই কামান্‌ গোজ্যং। মুই অমালেকীয়গুনোরে এক্কুবারে শেজ্‌ গুরি দুয়োং আর তারার রাজাবো অগাগরে ধুরিনে আন্যং।

১ শমূয়েল 15:20 ပူးပေါင်းရင်းမြစ်များ

ইয়োব 33:9

তুই কোইয়োচ্ছে, মুই সিজি, মর্ কনঅ পাপ নেই; মুই খাটি, মর্ কনঅ দুষ্ নেই।

ইয়োব 34:5

ইয়োবে কত্তে, মুই নিদ্দুযি, মাত্তর্ গোজেনে গমেডালে আমা বিচের ন-গরে।

ইয়োব 35:2

কধাগান কি তুই ঠিগ্ বিলিনে মনে গরচ্?

ইয়োব 40:8

তুই মর্ ন্যায় বিচেরানরে কি এলাফেলা গুরিবে? তুই যে নিদ্দুযি সিয়েন প্রমান্ গুরিবাত্তে কি তুই মরে দুযি গুরিবে?

মথি লেখ্যে গম্ হবর্ 19:20

সে গাবুজ্যে মরত্তো যীশুরে কলঅ, “মুই ইয়েনি বেক্কানি পালেই এজঙর্, মাত্তর্ মত্তুন্ আর কি গরা পড়িবো?”

লূকে লেখ্যে গম্ হবর্ 10:29

সেই মাষ্টর্‌বো নিজো সর্মানান্ রোক্ষ্যে গুরিবাত্তে যীশুরে কলঅ, “মঅ পাড়াল্যে কন্না?”

লূকে লেখ্যে গম্ হবর্ 18:11

সেই ফরীশীবো থিয়্যেইনে নিজো পৌইদ্যেনে এ তবনাগান্ গুরিলো, ও গোজেন, মুই তরে ভালেদি জানাঙর্, মুই অন্য মানুচ্চুনো ধোক্ক্যেন্ দগাবাঁজি, অসৎ আর বেভিচেরি নয়; এমন্‌ কি, সে খাজানা-তুলিয়্যেবো ধোক্ক্যেন্অ নয়।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

১ শমূয়েল 15:13

শমূয়েলে সেক্কে শৌল ইদু গেলঅ। শৌল তারে কলঅ, “লগেপ্রভু তরে ভালেদি গোরোক্। লগেপ্রভুর উগুমান মুই পালন গোজ্যং।”

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।

১ শমূয়েল 28:18

তুই লগেপ্রভুর কধা ন-শুনোচ্‌ আর অমালেকীয়গুনোর বিরুদ্ধে তার যে অমকদ রাগ সিয়েনি তর্‌ কামর্‌ ভিদিরেন্দি ফগদাং ন-গরচ্‌, সেনত্যে তে এচ্চ্যে তঅ উগুরে এধোক্ক্যেন গোজ্যে।