১ শমূয়েল 14:52 - Chakma Bible

⁵² শৌলে রাজাগিরি গুরিবার অক্তত্‌ পলেষ্টীয়গুনো সমারে অমহদ যুদ্ধো ওইয়্যে। কনঅ বোলী মানুচ্‌ বা সাহসী মানুচ্‌ দেগিলে তে তারে তার সৈন্যদলত্‌ নেযেদ।

১ শমূয়েল 14:52 ပူးပေါင်းရင်းမြစ်များ

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।

১ শমূয়েল 8:1

শমূয়েলে বুড়ো বয়জত্‌ ইস্রায়েলীয়গুনোর শাজন্‌‌গুরিয়্যে ইজেবে তার পূঅগুনোরে কামর্ ভারান দিলো।

১ শমূয়েল 8:11

তে কলঅ, “যিবে রাজা ওইনে তঅ উগুরে রাজাগিরি গুরিবো তার বেবহারান্‌ এধোক্ক্যেন অবঅ: তে তমার ঝি-পূঅগুনোরে নেযেইনে সৈন্য ইজেবে কামত্‌ লাগেব; তারাত্তুন্‌ কেউ কেউ রথ-চালেয়্যে অবাক্, কেউ কেউ ঘোড়াচালেয়্যে অবাক্ আর কেউ কেউ তার বেক্‌ রথ্‌তানির আগে আগে দাবা দিবাক্।