১ শমূয়েল 14:41 - Chakma Bible

⁴¹ শৌল সেক্কে ইস্রায়েলীয়গুনোর গোজেন লগেপ্রভুরে কলঅ, “ইয়েনর আজল্‌ জোব্‌পান্‌ মরে দে।” সেক্কে দুষছান্ পুরিলো শৌল আর যোনাথন উগুরে আর বাদবাগি মানুচ্চুনে ছড়ান্‌ পেলাক্।

১ শমূয়েল 14:41 ပူးပေါင်းရင်းမြစ်များ

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

যোনা 1:7

পরেদি নাবিক্‌‌‌কুনে একজন আর একজনরে কলাক্, “কন্না এই দযাগানত্তে দায়ী সিয়েন চেবাত্তে এজঅ, আমি চাম্বা চেই।”

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

১ শমূয়েল 14:40

শৌল সেক্কে বেক্‌ ইস্রায়েলীয়গুনোরে কলঅ, “তুমি এককিত্তেন্দি থিয়ো, আর মুই আর মর্‌ পূঅ যোনাথনে আরেক কিত্তেন্দি থিয়্যেইয়্যে।” মানুচ্চুনে কলাক্, “তুই যিয়েন গম্‌ বিলি মনে গরচ্‌ সিয়েনই গর্‌।”

১ শমূয়েল 14:42

শৌল কলদে, “মর্‌ আর মর্‌ পূঅ যোনাথনর্ মধ্যে লটারী দিয়্যে ওক্।” সেক্কে যোনাথন উগুরে দুষছান্‌ পুরিলো।