১ শমূয়েল 14:38 - Chakma Bible

³⁸ সেনত্তেই শৌল কলদে, “সৈন্যদলর নেতাগুন, তুমি ইয়েনত্‌ এজঅ। এচ্চ্যে এই পাপ্পান কেন্‌জান্ গুরি অলঅ এজঅ, আমি সিয়েন তোগেই চেই।

১ শমূয়েল 14:38 ပူးပေါင်းရင်းမြစ်များ

২ শমূয়েল 18:3

মাত্তর্‌ মানুচ্চুনে কলাক্, “তুই ন-যেবে। যুনি আমাত্তুন্‌ ধেই যাহ্ পড়ে সালে তারার কিচ্ছু ন-অবঅ। যুনি আমাত্তুন্‌ অদ্দেক মানুচঅ মুরি যান্‌ সেক্কেয়ো তারার কিচ্ছু ন-অবঅ, মাত্তর্‌ তুই দঅ আমা দশ আজারর সমান। তুই ইক্কিনে শঅরত্তুন্‌ আমারে বল্‌ দিলে গম অবঅ।”

গীতসংহিতা 47:9

জাদ্‌তুনো ভিদিরে যিগুনে দাঙর্ পোজিশনর মানুচ্, তারা এক্কান জাগাত্ এগত্তর্ অন্, অব্রাহামর গোজেনর মানুচ্ ইজেবে এগত্তর্ অয়। পিত্‌থিমীর বেক্ শাজন্‌গুরিয়্যেগুনে গোজেনর তলেদি, তেয়ই বেগত্তুন দাঙর্।

সখরিয় 10:4

যিহূদাত্তুন্ কুণো পাত্তর্, তাম্বুলোর্ খুদো, যুদ্ধোর ধনু আর বেক্ শাজন্‌ গুরিয়্যেগুন এবাক্।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

যিহোশূয় 7:11

ইস্রায়েলীয়গুনে পাপ গোজ্যন্‌; মুই তারারে মর্‌ যে সুদোমানি পালেবাত্তে কোইয়োং সিয়েনি তারা ন-পালান্‌। যেদক্কানি জিনিস ভস্তর্ অভিশাবর তলে সিয়েনির্‌ কয়েক্কান তারা নেযেয়োন; তারা চুর্‌ গোজ্যন্‌, মিজে কধা কোইয়োন্‌ আর বেক্‌ জিনিসছানি নিইনে তারা তারার নিজো জিনিসছানি লগে রাগেয়োন্‌।

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।

বিচের গুরিয়্যেগুন 20:2

এ কধাগান বিন্যামীন-গুট্টির মানুচ্চুনোর কানত্‌ গেলঅ। গোজেনর্‌ যে মানুচ্চুনে এগত্তর্ ওইয়োন সে দলঅ ভিদিরে এলাক্‌ ইস্রায়েলীয় বেক্‌ গুট্টির-নেতাগুনে আর চের্‌ লাখ্ আত্যের্‌ বলা সৈন্য। তারা জানিবাত্তে চেলাক্‌, সে জঘন্য কার্‌বারান্‌ কিঙিরিনে ঘোট্যে।