১ শমূয়েল 14:1 - Chakma Bible

¹ ইন্দি শৌলর পূঅ যোনাথনে একদিনোত্‌ তার বন্দুক বোইয়্যে গাবুজ্যেবোরে কলদে, “আদিচ্‌, আমি উইপারত্‌ পলেষ্টীয়গুনোর তাম্বুলোত্‌ যেই।” মাত্তর্‌ কধাগান তে তা বাপ্পোরে ন-জানেল।

১ শমূয়েল 14:1 ပူးပေါင်းရင်းမြစ်များ

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

বিচের গুরিয়্যেগুন 14:6

সেক্কে লগেপ্রভুর আত্মাগানে তা উগুরে ভর্‌পুণোং বলান্দোই এলঅ, সেনত্তেই তে সে সিংহবোরে সুদো আঢ্‌তোই ছাগল ছঅ ধোক্ক্যেন্‌ গুরি ছিনি ফেলেল। মাত্তর্‌ তে কি গোজ্যে সিয়েন তা মা-বাবরে ন-জানেল।

বিচের গুরিয়্যেগুন 14:9

তে দ্বিআঢন্দি সে মধুগান তুলিনে খাদে খাদে গেলঅ। সে পরেন্দি তে মা-বাবঅ ইদু যেইনে তারারেয়ো সে মধুগান দিলো আর তারায়ো সিয়েন খেলাক্‌। মাত্তর্‌ সে মধুগান যে সিংহবোর্ মরাকিয়্যেগান ভিদিরেত্তুন্‌ নেযেয়্যে সিয়েন তারারে ন-কলঅ।

বিচের গুরিয়্যেগুন 6:27

সেনত্তেই গিদিয়োনে তার চাগরুনোত্তুন্‌ দশজনরে সমারে নেযেইনে লগেপ্রভুর কধা মজিম্‌ কাম্‌ গুরিলো। মাত্তর্‌ নিজোর্‌ গিরিরে আর আদামর মানুচ্চুনোর দরে তে কামান্‌ দিনোত্‌ ন-গুরিনে রেদোত্‌ গুরিলো।

১ শমূয়েল 13:22

সেনত্তেই যুদ্ধোর সময়োত্‌ দেগা গেলদে, শৌল আর তার পূঅ যোনাথন বাদে তারা সমারে কনঅ সৈন্যর আঢত্‌ তলোয়ার বা শেল্‌ নেই।

১ শমূয়েল 13:23

পলেষ্টীয়গুনোর তাম্বুলোর্ সৈন্যগুনে নিগিলিনে মিক্‌মসর গিরিপদথ্‌ যেইনে রলাক।

১ শমূয়েল 14:2

শৌলে সেক্কে গিবিয়ার দুঝিত্‌ মিগ্রোণ নাঙে এক্কান জাগাত্‌ ডালোম গাজর্‌ তলে বোই এলঅ। তা সমারে ছয়শত্‌ মানুচ্‌ এলাক্,

১ শমূয়েল 25:19

সে পরেন্দি তে তার চাগরুনোরে কলঅ, “তুমি মর্‌ আগে আগে যঅ, মুই তমার পিজে পিজে এজঙর্‌।” মাত্তর্‌ এদক্কানি কধা তে তার নেক্‌ নাবলরে ন-জানাই।