১ শমূয়েল 13:5 - Chakma Bible

⁵ পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।

১ শমূয়েল 13:5 ပူးပေါင်းရင်းမြစ်များ

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

২ শমূয়েল 17:11

“সেনত্তেই মুই তরে এ বুদ্ধিগান দুয়োঙর্‌: দানত্তুন্‌ বের্‌-শেবা সং সাগর পারর গুণি ন-পুরেইয়্যে ধূল্যেকণা ধোক্ক্যেন্‌ বেক্‌ ইস্রায়েলীয়গুন তইদু এগত্তর্‌ ওদোক্‌ আর তারারে লোইনে তুই নিজেই যুদ্ধোত্‌ যাহ্।

১ রাজাবলী 20:27

ইন্দি ইস্রায়েলীয়গুনোরে এগত্তর্‌ গরা অলঅ। তারারে হানা-দানা যুগেই দেনার্‌ বেবস্থা গরা অলে যেরেন্দি তারায়ো অরামীয়গুনোর লগে যুদ্ধো গুরিবাত্তে নিগিলি গেলাক্‌। ইস্রায়েলীয়গুনে অরামীয়গুনোর্‌ মুজুঙেন্দি তারার্‌ তাম্বুলান্‌ ফেলেলাক্‌। তারারে দেগিনে মনে অর্‌ দ্বিবে ছাগল পাল, আর ইন্দি অরামীয়গুনে পুরো দেজ্‌ছানত্‌ ছিদি পুরিলাক্‌।

২ বংশধর 1:9

ও গোজেন লগেপ্রভু, মঅ বাপ্পো দায়ূদো ইদু তুই যে এগেমান্‌ গোজ্যস্‌ ইক্কিনে সিয়েন্‌ পূরোণ গর্‌, কিত্তে তুই এমন্‌ এক্কো জাদ‌ উগুরে মরে রাজা বানেয়োচ্‌ যিগুনে পিত্‌থিমীর ধূল্যে ধোক্ক্যেন গুণি ন-পুরেইয়্যে।

যিশাইয় 10:28

তারা অয়াত ইদু চোমেয়োন্, মিগ্রোণান্ পার ওই যেইয়োন্; তারা মিক্‌‌মসত তারার্ পযাপিরানি থোই যেইয়োন্।

যিশাইয় 48:19

ইয়েনিবাদে তমা বংশধরুনে ধূল্যে ধোক্ক্যেন অদাক্ আর তমা ঝি-পুয়োগুনে অদাক্ ধূল্যেচর ধোক্ক্যেন গুণি ন-পুরেইয়্যে। তারা নাঙানি মঅ মুজুঙোত্তুন্ কনদিন্অ ফুজি ফেলা ন-অদঅ বা তারারে ভস্ত গরা ন-অদঅ।”

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

যিহোশূয় 11:4

এই বেক্‌ রাজাগুনে তারার সৈন্যদলুন নিইনে নিগিলি এলাক্‌। সেক্কে সাগর পারত্‌ ধূল্যেকণা ধোক্ক্যেন্‌ বোউত্‌ সৈন্যদলর্ এক্কো দাঙর দল্‌ অলঅ‌। তারা সমারে এলাক্‌ বোউত্‌ ঘোড়া আর রথ।

যিহোশূয় 18:12

উত্তোরেন্দি তারার্‌ ভূইয়োর দুযির্‌ চিহ্নোগান্‌ যর্দন গাঙ্‌ত্তুন্‌ আরাম্ভ ওইনে যিরীহোর উত্তোরেন্দি কামা জাগায়ান পার্‌ ওইনে পোজিমেন্দি মুড়ো-মুড়ি চাগালার ভিদিরেন্দি যেইনে বৈৎ-আবনর ধূল্যেচরর্‌-চাগালাগান সং গেলঅ‌।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।

বিচের গুরিয়্যেগুন 7:12

মিদিয়নীয়, অমালেকীয় আর পূগঅ দেজর মানুচ্চুনে সেই কিজিঙো ভিদিরে পুগ্‌-যুগঅ ঝাঁগঅ ধোক্কেন্‌ এলাক্‌। তারার উট্‌‌তুন্‌ সাগর পার ধূল্যেচর ধোক্কেন্‌ গুণি ন-ফুরেইয়্যে।

১ শমূয়েল 13:11

শমূয়েলে তারে কলঅ, “তুই ইয়েন কি গোজ্যস্‌?” জোবত্‌ শৌল কলঅ, “মুই দেগিলুঙে, মানুচ্চুনে মঅ মুজুঙেত্তুন আঢি যাদন্‌ আর ঠিগ্ সময়োত্‌ তুইয়ো ন-এলে, আরঅ পলেষ্টীয়গুনেয়ো ইন্দি মিক্‌মসত্‌ এইনে এগত্তর্‌ ওইয়োন।

১ শমূয়েল 14:23

এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।

১ শমূয়েল 14:52

শৌলে রাজাগিরি গুরিবার অক্তত্‌ পলেষ্টীয়গুনো সমারে অমহদ যুদ্ধো ওইয়্যে। কনঅ বোলী মানুচ্‌ বা সাহসী মানুচ্‌ দেগিলে তে তারে তার সৈন্যদলত্‌ নেযেদ।

১ শমূয়েল 17:1

পলেষ্টীয়গুনে যুদ্ধো গুরিবাত্তে সৈন্য এগত্তর্‌ গুরি নেযেইনে যিহূদা-গুট্টির চাগালাত্‌ সোখোতদ্‌ গেলাক্। তারা যেইনে সোখো আর অসেখা আদাম ভিদিরে এফস্‌দম্মীম আদামত্‌ তাম্বুলান্ ফেলেলাক্।

১ শমূয়েল 7:13

এধোক্ক্যেনগুরি পলেষ্টীয়গুনোরে দোঙানা অলঅ। ইয়েনর্ পরেন্দি তারা আর ইস্রায়েলীয়গুনোর দুঝিত্‌ ন-সোমেলাক্। শমূয়েলে যেদকদিন বাঁজি এলঅ সেদকদিন সং লগেপ্রভু পলেষ্টীয়গুনোর বিরুদ্ধে এলঅ।