১ শমূয়েল 13:3 - Chakma Bible

³ গেবাতদ্‌ পলেষ্টীয় সৈন্যগুনোর যে তাম্বুলানি এলঅ যোনাথনে সিয়েনি আক্রমণ গুরিলো আর পলেষ্টীয়গুনে সেই কধানি শুনিলাক্। সেক্কে শৌল দেজর বেক্‌ জাগানিত্‌ হেঙগরং বাজেইনে কলদে, “ইব্রীয়গুনে শুনোদোক্।”

১ শমূয়েল 13:3 ပူးပေါင်းရင်းမြစ်များ

২ শমূয়েল 2:28

ইয়েন্‌ কোইনে তে তূরী বাজেল। সেক্কে বেক্‌ মানুচ্চুনে থামেলাক্‌। তারা আর্ ইস্রায়েলীয়গুনোর্‌ পিজেন্দি ন-লোড়েলাক্‌ আর যুদ্ধোয়ো ন-গুরিলাক্।

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ শমূয়েল 23:14

সে অক্তত্‌ দায়ূদে ধূল্যেচর-চাগালাত্ তাম্বুলো ধোক্ক্যেন এক্কান জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্।

যিশাইয় 10:29

তারা মুড়োপথ্‌তান পার ওই এইনে কদন্দে, “আমি গেবাত তাম্বুলান ফেলেইনে রেত্তো কাদেবং।” ইয়েনত্ রামা শঅরানে গির্‌‌‌গিরার, শৌলর গিবিয়ার মানুচ্চুনে ধেই যাদন্।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

যিহোশূয় 18:24

কফর-অম্মোনী, অফ্‌নি আর গেবা। এই বারগান শঅ‌র আর সিয়েনির কায়-কুরে বেক্‌ আদামানি তারা পেইয়োন।

যিহোশূয় 21:17

ইয়েনবাদে বিন্যামীন-গুট্টির্‌ জাগাত্তুনঅ‌ গিবিয়োন, গেবা, অনাথোৎ আর অল্‌মোন নাঙে চেরান্‌ আদাম আর শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ।

বিচের গুরিয়্যেগুন 3:27

সিদু ইফ্রয়িমর মুড়োমুড়ি চাগালাত্‌ তে শিংগা বাজানার পরেন্দি ইস্রায়েলীয়গুনে তা সমারে মুড়োত্তুন্‌ তলেদি লামি এইনে তা পিজে পিজে আঢিলাক্‌,

বিচের গুরিয়্যেগুন 6:34

সেক্কে লগেপ্রভুর আত্মাগানে গিদিয়োনরে বোলী বানেল। গিদিয়োনে শিংগা বাজেল আর অবীয়েষ্রীয়োগুনে তা পিজেন্দি এগত্তর্‌ অলাক্‌।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 13:16

পরেন্দি শৌল আর তা পূঅ যোনাথনে আর তারা সমারে মানুচ্চুনে বিন্যামীন চাগালার্‌ গেবাতদ্‌ যেইনে থাহ্ ধুরিলাক আর ইন্দি পলেষ্টীয়গুনে মিক্‌মসে জাগানত্‌ তাম্বুল টাঙেলাক্।