১ শমূয়েল 13:22 - Chakma Bible

²² সেনত্তেই যুদ্ধোর সময়োত্‌ দেগা গেলদে, শৌল আর তার পূঅ যোনাথন বাদে তারা সমারে কনঅ সৈন্যর আঢত্‌ তলোয়ার বা শেল্‌ নেই।

১ শমূয়েল 13:22 ပူးပေါင်းရင်းမြစ်များ

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

বিচের গুরিয়্যেগুন 5:8

তারা যেক্কে নূয়ো দেব-দেবেদার ইন্দি মনান্‌ দিলাক্‌ সেক্কে তারার্‌ শঅ‌রর-গেদো দোরানত্‌ যুদ্ধো অলঅ‌। চোল্লিশ আজার ইস্রায়েলীয়োর আঢেত্‌ এক্কান আন্দল দিবারঅ‌ ন-এলঅ, এক্কো সেলঅ‌ ন-এলঅ।

১ শমূয়েল 13:21

নাঙলর্‌ ফাল, আদ-কদাল, তিনকুন্যে শেল্‌, কুড়োল আর কাদা বোজেয়ে লুদিগোত্‌ দারেবার দাম ইজেবে আস্‌টো গ্রাম রূপো লাগিদো।

১ শমূয়েল 17:47

যিদুক্কুন মানুচ্‌ এচ্চ্যে ইয়েনত্‌ আগন্‌ তারায়ো জানি পারিবাক্, লগেপ্রভু কনঅ লাম্বা কিরিচ্‌ বা শেল্‌ দিইনে উদ্ধোর্ ন-গরে, কিত্যে এই যুদ্দোগান লগেপ্রভুর; আর তে আমা আঢত্‌ তমারে তুলি দিবো।”

১ শমূয়েল 17:50

সেক্কে দায়ূদে ধাবা যেইনে সেই পলেষ্টীয়বো ইদু থিয়্যেল আর তার লাম্বা কিরিচ্ছানর খাবত্তুন্‌ টানি নিগিলেনে তারে মারে ফেলেল আর তার মাঢাবো কাবি নেযেল। এধোক্ক্যেনগুরি দায়ূদে বানা এক্কো ফিংগা আর এক্কো পাত্তর্‌‌লোই সেই পলেষ্টীয়বোরে ওদেই দিলো। তার আঢত্‌ কনঅ লাম্বা কিরিচ্‌ ন-থেলেয়ো তে সেই পলেষ্টীয়বোরে আঘাত গুরিলো আর তারে মারে ফেলেল। পলেষ্টীয়গুনে যেক্কে দেগিলাক্, তারার আজল্‌ বীরবো মুরি যেইয়্যে সেক্কে তারা ধেই যাহ্ আরাম্ভ গুরিলাক্।