১ শমূয়েল 12:8 - Chakma Bible

⁸ যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।

১ শমূয়েল 12:8 ပူးပေါင်းရင်းမြစ်များ

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যাত্রা 6:26

এই হারোণ আর মোশিরে লগেপ্রভু কোইয়্যেদে যেনে তারা সৈন্যগুনো ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনন্‌।

গণাণা 20:15

আমা পুরোণি মানুচ্চুনে মিসর দেজত্‌ যেইয়োন্‌ আর আমি বোউত্‌ বজর্‌ সিয়েনত্‌ বজতি গোজ্যেই। মিসরীয়গুনে আমার্‌ আর আমা পুরোণি মানুচ্চুনো উগুরে ভান্ন্যেই বেবহার্‌ গরানায় আমি লগেপ্রভু ইদু কানাকুদি গোজ্যেই। তে আমা কানাকুদি শুনিনে তার্‌ দূত পাদেইনে মিসরত্তুন্‌ আমারে নিগিলেই আন্যে।

প্রেরিত্‌ 7:15

যাকোবে মিসরত্ গেলঅ, আহ্ সিধু তে আর আমা পূরোণি মানুচ্চুনে মুরি গেলাক্।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 21:43

লগেপ্রভু ইস্রায়েলীয়গুনোর পূরোণি মানুচ্চুনো ইদু যেদক্কানি জাগা দিবার শমক্‌ গোজ্যে সিয়েনি বেক্কানি তে তারারে দিয়্যে। ইস্রায়েলীয়গুনে সে দেজ্‌চানি গজক্ গুরি নেযেইনে সিয়েনিত্‌ বজত্তি গরা ধুরিলাক্‌।

১ শমূয়েল 10:18

তে তারারে কলঅ, “ইস্রায়েলীয়গুনোর গোজেন লগেপ্রভু কোইয়্যেদে, ‘মিসর দেজত্তুন মুয়ই তমারে নিগিলেই আন্যং, আর মিসরীয়গুনোর আদত্তুন্‌ আর যে রেজ্যর মানুচ্চুনে তমা উগুরে অত্যেচার্‌ গুরিদাক তারার আদত্তুন্‌ মুয়ই তমারে উদ্ধোর গোজ্যং।’”

১ শমূয়েল 12:6

শমূয়েলে মানুচ্চুনোরে আরঅ কলদে, অয়, লগেপ্রভুই সাক্ষী, যিবে মোশি আর হারোণরে নেযেয়্যে আর তমার পুরোণি মানুচ্চুনোরে মিসর দেজত্তুন্‌ নিগিলেই আন্যে।