১ শমূয়েল 12:5 - Chakma Bible

⁵ শমূয়েলে তারারে কলদে, “এচ্চ্যে লগেপ্রভু সাক্ষী আর তার অভিষেগ গোজ্যে মানুচ্চোয়ো সাক্ষী, তুমি মত্তুন্‌ তমার কনঅ জিনিস ন-পঅ।” সেক্কে মানুচ্চুনে কলাক্, “তে সাক্ষী।”

১ শমূয়েল 12:5 ပူးပေါင်းရင်းမြစ်များ

পত্থম 31:50

যুদি তুমি মঅ ঝিগুনদোই বজং বেবহার্‌ গরঅ, বা মর্‌ ঝিগুন্‌ থানা অবস্থায়ো অন্য মিলেরে লঅ, সালে আর কনজন আমালগে ন থেলেয়ো মনত্‌ রাগেয়ো, গোজেনই আমার্‌ সাক্ষী ওই থেলঅ।”

ইয়োব 16:19

ইক্কিনিয়ো মঅ সাক্ষীগুন্‌ স্বর্গত আগন্‌; মঅ পক্ষেদি যিবে কধা কবঅ তে উগুরে আঘে।

ইয়োব 42:7

ইয়োবরে এ কধানি কনার্ পরেদি লগেপ্রভু তৈমনীয় ইলীফসরে কলঅ, “মঅ চাগর্‌বো ইয়োবে যেধোক্ক্যেন কোইয়্যে তুই আর তর্ সমাজ্যেগুনে সেধোক্ক্যেন গুরিনে মঅ পৌইদ্যেনে ঠিগ্ কধা ন-কন; সেনত্তে তমা উগুরে মর্ রাগর্ আগুনান্ জুলি উঠ্যে।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

যাত্রা 22:4

চুর্‌ গোজ্যে গোরু, গাধা বা ভেড়াছাগল যুনি চুরোর আদত্‌ জেদাবাদে পাহ্ যায়্‌ সালে চুর্‌বোত্তুন্‌ সিগুন এক্কোর্‌ বদলে দ্বিবে গুরি ফিরেই দিয়্যে পুরিবো।

যোহন 18:38

পীলাতে তারে কলঅ, “সত্যগান্ কি?” এ কধাগান্ কোইনে তে আরঅ বারেদি যিহূদী নেতাগুনো ইধু যেইনে কলঅ, “মুই ইবের্ কনঅ দুষ্ ন-দেগঙর্।

প্রেরিত্‌ 23:9

সেক্কে ভারী কোল্-কোজ্জ্যে আরাম্ভ অলঅ আর ফরীশী দলর্ কয়েক্কো ধর্ম-মাষ্টর উদিনে রঅ ছাড়ি ছাড়ি কধা কুয়ো ধুরিলাক্। তারা কলাক্, “আমি এ মানুচ্চোর্ কনঅ দুষ্ ন-দেগির্। অয়ত কনঅ আত্মা বা কনঅ স্বর্গদূতে তা সমারে কধা কোইয়্যে।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

প্রেরিত্‌ 24:20

বাহ্ ইয়েনত্ যিগুনে আঘন্ তারাত্তুন্ কোদোক্, যেক্কে মুই দাঙর্ তেম্মাং মুজুঙোত্ থিয়্যেয়োং সেক্কে তারা মর্ কি দুষ্ পেইয়োন।

১ করিন্হীয় 4:4

মর্ বিবেক্‌কান্ সাব্, মাত্তর্ সিয়েন্দোই ইয়েন প্রমাণ ন-অত্তে যে, মুই নিদ্দুজি। প্রভু মর্ বিচের্ গুরিবো।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

১ শমূয়েল 12:4

মানুচ্চুনে কলাক্, “না, তুই আমার কারঅ উগুরে অত্যেচার ন-গরচ্‌, কারঅ উগুরে ভান্ন্যেই বেবহার ন-গরচ্‌ আর কারত্তুন্‌ কিচ্ছু ন-নেযাচ্‌।”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?