১ শমূয়েল 12:22 - Chakma Bible22 লগেপ্রভু তার দাঙর্ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্লোই তমারে তার নিজোর মানুচ্ ইজেবে নেযেয়্যে। အခန်းကိုကြည့်ပါ။ |
১ শমূয়েল 12:22
49 ပူးပေါင်းရင်းမြစ်များ
“আর তুই, মর্ পুয়োবো শলোমন, তুই তঅ বাপ্পো গোজেনরে মুজুঙোত্ রাগেইনে চলিবে আর তঅ মনান্ ঠিগ্ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্ মনানি গমেডালে চায় আর চিদে গরানার্ পত্তিজন উদ্দেশ্যগানি বুঝে। তাহ্ আওজ্সানি জানিবাত্তে চেলে তুই সিয়েনি জানি পারিবে, মাত্তর্ যুনি তুই তারে ছাড়ি যাচ্ সালে তেয়ো তরে উমরত্তে এলাফেলা গুরিবো।
তারা বাধ্য থেবাত্তে অস্বীগের্ গোজ্যন্, আর যেদক্কানি আমক্ অবার্ কাম্ তুই তারার্ ভিদিরে গোজ্যস্ সিয়েনিয়ো তারা মনত্ ন-রাগান্। তারা একগেয়েমি গুরিনে আরঅ চাগর্ কাদিবাত্তে মিসরত্ ফিরি যেবাত্তে এক্কো নেতারে নেযেয়োন। মাত্তর্ তুই ক্ষমাশীল গোজেন, দোয়্যেবান আর মেয়্যের্ ভরা; তুই সহজে বেজার্ ন-অস্ আর তর্ কোচ্পানা শেজ্ ন-ওইয়্যে। সেনত্তেই তুই তারারে ছাড়ি ন-যাজ্।
লগেপ্রভু কত্তে, “মুই তমারে কোচ্পেইয়োং,” মাত্তর্ তুমি কত্তে, “তুই কেধোক্ক্যেন গুরি আমারে কোচ্পেইয়োচ্?” ইয়েনর্ জোবত্ লগেপ্রভু কত্তে, “এষৌ কি যাকোবর ভেই ন-এলঅ? তো দঅ মুই যাকোবরে কোচ্পেইয়োং মাত্তর্ এষৌরে এলাফেলা গোজ্জ্যং। মুই তা মুড়োগুন ভস্তর্ জাগা বানেয়োং আর তার জাগাগান ধূল্যেচর-চাগালার শিয়েলুনোরে দুয়োং।”
ကြော်ငြာတွေ