১ শমূয়েল 12:17 - Chakma Bible

¹⁷ ইক্কিনে দঅ গম কাবিবার অক্ত, নয় নি? মুই লগেপ্রভুরে কোম্‌ যেনে তে দেবা পেরাগ আর ঝড় পাধেই দে। সেক্কে তুমি হবর্‌ পেবাদে আর দেগিবাদে, রাজা চেইনে তুমি লগেপ্রভুর ইদু কত্তমান্ অন্যেয় গোজ্য।”

১ শমূয়েল 12:17 ပူးပေါင်းရင်းမြစ်များ

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যাত্রা 32:30

তার্‌কেল্যে মোশি মানুচ্চুনোরে কলঅ‌, “তুমি জদবদে পাপ্‌ গোজ্য। মাত্তর্‌ মুই ইক্কিনে লগেপ্রভু ইদু উদোঙল্লোই। অয়ত তমা পাপ্পানি নাঢি দিবার্‌ এক্কান বেবস্থা মুই গুরি পারিম।”

গম্ উপদেজ্ 26:1

হরান্যেত্ তুষার বা খেত্-খেত্তি কাবিবার অক্তত্ ঝড় পড়ানা যেধোক্ক্যেন যগাজ্যে নয়, সেধোক্ক্যেন বিবেচনা নেইয়্যে মান্‌জ্যর তপ্পে সর্মান্অ যগাজ্যে নয়।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

১ শমূয়েল 12:13

ইক্কিনে চঅ, ইবেয়ই তমার রাজা, যিবেরে তুমি চেইয়ো আর বেঈ লোইয়ো। লগেপ্রভু তমা উগুরে এক্কো রাজা নেযেয়্যে।

১ শমূয়েল 12:19

বেক্কুনে সেক্কে শমূয়েলরে কলাক্, “তুই তর্‌ গোজেন লগেপ্রভুর ইদু তর্‌ এই চাগরুনোত্তেই তবনা গুরিচ্‌ যেনে আমি মারা ন-পুরিই, কিত্যে রাজাবো চেইনে আমি আমার অন্য বেক্‌ পাপ্পানির লগে এই পাপ্পানিয়ো মিজেয়্যেই।”

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”

১ শমূয়েল 7:5

সেক্কে শমূয়েলে কলঅ, “মিস্পাদত্‌ বেক্‌ ইস্রায়েলীয়গুনোরে এগত্তর্‌ গরঅ। মুই তমাত্যে লগেপ্রভুর ইদু কোজোলী গুরিম্‌।”

১ শমূয়েল 8:6

“আমারে শাজন্ গুরিবাত্তে এক্কো রাজা নেযা,” মানুচ্চুনোর এই কধাগান শমূয়েল ইদু গম্‌ বিলিনে মনে ন-গুরিলো। সেনত্তেই তে লগেপ্রভুর্ ইদু তবনা গরা ধুরিলো।

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।