১ শমূয়েল 11:7 - Chakma Bible

⁷ তে দ্বিবে গোরু নেযেইনে কট্টা কট্টা গুরি কাবিলো। সে পরেন্দি সেই কট্টার ভাক্কুন্‌ মান্‌জ্যর মাধ্যমে ইস্রায়েল দেজর্‌ বেক্‌ জাগায়ানিত্‌ পাধেই দিলাক্ আর তারারে এই কধাগান ফগদাং গুরিবাত্তে কলাক্, “যে কেঅ শৌল আর শমূয়েল সমারে ন-মিজেব তা গোরুবোর অবস্থা এধোক্ক্যেন অবঅ।” লগেপ্রভু ইস্রায়েলীয়গুনোর মনত্‌ এক্কান দর্‌বুক জাগেই দিলো, আর তারা বেক্কুনেই এক ওইনে নিগিলি এলাক্।

১ শমূয়েল 11:7 ပူးပေါင်းရင်းမြစ်များ

পত্থম 35:5

সে পরেদি তারা যাহ্ ধুরিলাক্। তারা যেবার্‌ পদথ্‌ গোজেনে চেরোকিত্তে শঅর মানুচ্চুনো ভিদিরে এক বাবোত্যে দর্ বুগ্ লাগেল যিয়েনত্তে যাকোব পিজেদি কনজনে আর্ ন-লোড়েলাক্।

২ বংশধর 14:14

তারা গরারর চেরোকিত্তে বেক্‌ আদামানি ভস্ত গুরি দি পাজ্যন্‌, কিত্তে সিদুগোর মানুচ্চুনে লগেপ্রভুরে অমকদ দোরেয়োন্‌। সিদু লুট গরেদে ধোক্ক্যেন বোউত্‌ পযাপিরা এলঅ বিলিনে তারা বেক্‌ আদামানি লুদেয়োন্‌।

২ বংশধর 17:10

যিহূদা দেজর্‌ কায়-কুরে বেক্‌ রেজ্যগানি উগুরে লগেপ্রভুর ইত্তুন্‌ এন্‌ দর্‌ গরেদে ধোক্ক্যেন লামি এলদে, তারা যিহোশাফট লগে যুদ্ধো ন-গুরিলাক্‌।

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

যিশাইয় 8:13

বেগত্তুন্ খেমতাবলা লগেপ্রভুরে পবিত্র বিলিনে মান; তারে দরঅ, তারে দর্‌‌‌‍গরেপারা বিলিনে মনে গরঅ।

বিচের গুরিয়্যেগুন 19:29

ঘরত্‌ লুমিনে তে এক্কান ছুরিলোই তা আড়ুন চেই চেই তারে কাবিনে বার কট্টা গুরিলো আর ইস্রায়েলীয়গুনোর পুরো চাগালাত্‌ সিয়েনি পাধেই দিলো।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।