১ শমূয়েল 11:11 - Chakma Bible

¹¹ তার্‌কেল্যে শৌল তা মানুচ্চুনোরে তিন্নো দলত্‌ ভাগ গুরিলো। সে পরেন্দি শেজর্‌ রেত্তোত্‌ তারা অম্মোনীয়গুনোর তাম্বুলোত্‌ সুমিনে দিবুজ্যেমাদান সং তারারে মারে ফেলা ধুরিলাক্। যিগুনে পরাণে বাঁজিলাক তারা এবাবোত্যেগুরি ছিদি পড়িলাক্, তারাত্তুন্‌ দ্বিজনে আর একসমারে ন-থেলাক্।

১ শমূয়েল 11:11 ပူးပေါင်းရင်းမြစ်များ

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

২ শমূয়েল 18:2

দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

যাত্রা 14:24

বেন্যেপোত্যে লগেপ্রভু মেঘ আর আগুনো থুনি ভিদিরেত্তুন্‌ মিসরীয় সৈন্যদলুনো ইন্দি রিনি চেলঅ‌ আর তারা ভিদিরে এক্কান্‌ যাগুলুক্ বাজেই দিলো।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।

বিচের গুরিয়্যেগুন 4:16

মাত্তর্‌‌ বারকে হরোশৎ-হগোয়িম সং তারার্‌ রথ্‌তানি আর সৈন্যদলর পিজেন্দি লোড়েই নেযেল। সীষরার বেক্‌ সৈন্যগুনোরে মারে ফেলেলাক্‌, একজনঅ বাগী ন-রলাক্‌।

বিচের গুরিয়্যেগুন 7:16

সে তিনশত মান্‌‌জ্যরে তে তিন্নো দলত্‌ ভাগ গুরিলো আর পত্তিজনর আঢত্‌ এক্কো গুরি শিংগা, এক্কো গুরিনে সুদো কুম্‌ আর সে সংমোধ্যে এক্কো বম্বা দিলো।

বিচের গুরিয়্যেগুন 7:20

তিন্নো দলে একসমারে সিয়েন গুরিলাক্‌। বাঙ্‌ আঢত্‌ বোম্বা আর ডেন্‌ আঢত্‌ বাজেবাত্তে শিংগাগুন্‌ নেযেইনে তারা রঅ ছাড়িনেই কলাক্‌, “লগেপ্রভু আর গিদিয়োনর তলোয়ার।”

বিচের গুরিয়্যেগুন 9:43

সেক্কে অবীমেলকে তা মানুচ্চুনোরে তিন্নো দলত্‌ ভাগ গুরিলো আর তারা মাদত্‌ হাপ্‌ দি থেলাক্‌। শঅ্‌রত্তুন মানুচ্চুনোরে নিগিলি এত্তে দেগিনে তে তারারে আক্রমণ গুরিলো।

১ শমূয়েল 11:2

অম্মোনীয় নাহশে জোবত্‌ তারারে কলঅ, “মুই এক্কো শর্তলোই তমা লগে চুক্তি গুরি পারং। সিয়েন অলঅ, তমার পত্তিজনর্‌ ডেন্‌ চোক্কো তুলি ফেলা অবঅ। সিয়েন গুরিনে মুই বেক্‌ ইস্রায়েল জাদ্‌‌‌তোরে অসর্মান গুরিম।”

১ শমূয়েল 14:47

শৌল ইস্রায়েলীয়গুনোর রাজা অনার পরেন্দি দেজর্‌ চেরোকিত্তে বেক্‌ শত্রুগুনো সমারে, অত্তাৎ মোয়াবীয়, অম্মোনীয়, ইদোমীয়, সোবার রাজাগুনো সমারে আর পলেষ্টীয়গুনো সমারে যুদ্ধো গোজ্যে। তে যিন্দি যেদঅ সিন্দি অমহদ ক্ষোতি গুরিদো।