১ শমূয়েল 10:11 - Chakma Bible

¹¹ যিগুনে শৌলরে আগেত্তুন্‌ ধুরি চিনিদাক্ তারা তারে ভাববাদীগুনো সমারে গোজেনর দিয়্যে কধা কদে দেগিনে একজন আরেকজনরে কুয়া ধুরিলাক্, “কীশর পূঅবোর ইয়েন কি অলঅ? শৌলেয়ো কি সালে ভাববাদীগুনো ভিদিরে একজন?”

১ শমূয়েল 10:11 ပူးပေါင်းရင်းမြစ်များ

আমোষ 7:14

জোবত্ আমোষে অমৎসিয়রে কোইয়্যেদে, “মুই ভাববাদীয়ো ন-এলুং, ভাববাদীর শিচ্চ্যয়ো ন-এলুং; আজলে মুই এক্কো গরক্, আর মুই ডোমোর গাজরে দেগাশুনোয়ো গুরিদুং।

আমোষ 7:15

মাত্তর্ লগেপ্রভু মরে ভেড়া পালর দেগাশুনোর্ কামত্তুন্ লোই আনিনে কলঅ, ‘তুই যেইনে মঅ মানুচ্ ইস্রায়েল ইধু ভাববাদী ইজেবে কধা কঅ।’

যোহন 7:15

“এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 9:21

যিগুনে তা কধানি শুনিদাক্ তারা আমক্ ওইনে পুযোর্ গুরিদাক্, “যিরূশালেমত্ যিগুনে যীশুর্ নাঙে তবনা গুরিদাক্ তারারে যে অত্যেচার্ গুরিদো ইবে কি সেই মানুচ্চো নয়? ইধুয়ো যিগুনে সিয়েনি গরন্ তারারে বানিনে আজল্ ধর্মগুরুগুনো ইধু নেযেবাত্তে তে কি ইধু ন-এজে?”

১ শমূয়েল 19:24

তে তার পোজাক্কান্‌ খুলি ফেলেইনে শমূয়েলর মুজুঙোত্‌ ভাববাদী ইজেবে গোজেনর কধা কুয়ো ধুরিলো। তে পুরো দিন্নো আর পুরো রেত্তো কাবড়-চুগোর নেইয়্যে গুরি পড়ি রলঅ। সেনত্যেই মান্‌জ্যে কন্‌, “শৌলেয়ো কি সালে ভাববাদীগুনো ভিদিরে এক্কো?”