১ শমূয়েল 1:9 - Chakma Bible

⁹ এক সময়োত্‌ শীলোদত্‌ খানা-দানা শেজ্‌ গুরিনে হান্না উদিনে উবোসনা-ঘরত গেলঅ। ধর্মগুরু এলি সেক্কে লগেপ্রভুর সেই ঘরর্‌ দোরান ইদু এক্কান আসনত্‌ বোই এলঅ।

১ শমূয়েল 1:9 ပူးပေါင်းရင်းမြစ်များ

২ শমূয়েল 7:2

রাজা সেক্কে একদিন্যে ভাববাদী নাথনরে কলঅ, “চাহ্, মুই বজত্তি গরঙর্‌ এরস তক্তার্‌ ঘরত্‌ আর গোজেন সুন্দুক্কো আগেদে তাম্বুলোত্‌।”

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 29:9

তার্ রবোলোই উরিঙুনে ছঅ ফুদোন্ আর ঝাড়র্ ডেলাগুন,পাদাগানি পড়ি যায়; তার্ থেবার জাগায়ান বেক্কুনোর মুয়োই মুয়োই আঘে, “তে বাঈনী পেবার্।”

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

যাত্রা 21:6

সেক্কে তা গিরোজ্‌সো তারে গোজেন ইদু আঝি‌ল্ গুরিবো। সে পরেন্দি দোর্‌ বা দোরানর্‌ ফ্রেমান ইদু তারে নেযেইনে ড্রিল্ মেশিন্দোই তার্‌ কানান্‌ ফুদো গুরি দিবো। সেক্কে তে সারা জীংকানিবর্‌ তার্‌ গিরোজসোর্‌ চাগর্‌ ওই থেবঅ‌।

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।

১ শমূয়েল 3:15

ইয়েনর্ পরেন্দি শমূয়েলে বেন্যে সং বিচ্ছোনত্‌ পড়ি থেলঅ, সে পরেন্দি উদিনে লগেপ্রভুর ঘরর দোরানি খুলিলো; মাত্তর্‌ এই দর্শনর কধা এলির ইদু কবাত্তে সাহস ন-অলঅ।

১ শমূয়েল 3:3

গোজেনর নাঙে যে বাত্তিগুন জ্বালেয়্যে থেদাক্ সিগুন সেক্কেয়ো মুড়ি ন-যান। শমূয়েলে লগেপ্রভুর ঘর ভিদিরে ঘুম যেইয়্যে। সেই ঘরানত্‌ গোজেনর সাক্ষ্য-সুন্দুক্কয়ো এলঅ।

১ শমূয়েল 4:13

তে যেক্কে শীলোদত্ লুমিলোগোই সেক্কে এলি পধঅ কুরে তার আসনানত্‌ বজিলো। তে ওলোমোত্য ওইনে বাজ্জেই আঘে, কিত্যে গোজেনর সুন্দুক্কোত্তে তার্‌ বুক্কো গির্‌গিরের্‌। মানুচ্চো শঅরত্‌ সোরেইনে যেক্কে বেক্‌ কধানি মানুচ্চুনোরে জানেল সেক্কে তারা ভিদিরে কানাকুদি পড়ি গেলঅ।