১ শমূয়েল 1:3 - Chakma Bible

³ ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।

১ শমূয়েল 1:3 ပူးပေါင်းရင်းမြစ်များ

গীতসংহিতা 78:60

শীলোত তার যে থেবার-তাম্বুলান এলঅ সিয়েন তে ছাড়ি দিলো; ইয়েন সে তাম্বুলান যিয়েন তে মান্‌জ্য ইদু থিদেবর্ গোজ্যে।

যাত্রা 23:14

“পত্তি বজর তুমি মর্‌ নাঙে তিন্নো গুরিনে পরব্‌ পালেবা।”

যাত্রা 23:17

বজরে তিনবার্‌ গুরিনে তমার্‌ বেক্‌ মরত্তুনে প্রভু লগেপ্রভুর্‌ মুজুঙোত্‌ আঝিল্ অবাক্।

যাত্রা 34:23

বজরে তিনবার্‌ তমার বেক্‌ মরত্তুনোত্তুন্‌ প্রভু লগেপ্রভুর্‌ মুজুঙোত্‌ আঝিল্ উয়ো পুরিবো। তেয়ই ইস্রায়েলীয়গুনোর গোজেন।

লূকে লেখ্যে গম্ হবর্ 2:41

উদ্ধোর্-পরবর্ সময়োত্ যীশুর মা-বাবে পত্তি বজর্ যিরূশালেমত্ যেদাক্।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

বিচের গুরিয়্যেগুন 18:31

শীলোত্‌ যেদকদিন গোজেনর্‌ ঘরান্‌ এলঅ সেদকদিন সং দান-গুট্টির মানুচ্চুনে মীখার বানেয়্যে কাবিনে বানেয়্যে মূত্তিবো নিজোত্তে থোই দিলাক্‌।

বিচের গুরিয়্যেগুন 21:19

সে পরেন্দি তারা কলাক্‌, “পত্তি বজর শীলোত্‌ লগেপ্রভুর নাঙে এক্কো পরব্‌ অয়।” শীলো শঅ্‌রান এলদে বৈথেলর উত্তোরেন্দি যে পথ্‌তান বৈথেলত্তুন শিখিমোর ইন্দি যেইয়্যে সিয়েনর পূগেন্দি আর লবোনার দোগিণেন্দি।

১ শমূয়েল 1:21

পরেন্দি ইল্‌কানা পত্তি বজর ধোক্ক্যেন তা গিরির্ বেক্কুনোরে নেযেইনে লগেপ্রভুর নাঙে য়েমান-উৎসর্ব আর মান্যা ছিড়েবাত্তে গেলঅ।

১ শমূয়েল 1:9

এক সময়োত্‌ শীলোদত্‌ খানা-দানা শেজ্‌ গুরিনে হান্না উদিনে উবোসনা-ঘরত গেলঅ। ধর্মগুরু এলি সেক্কে লগেপ্রভুর সেই ঘরর্‌ দোরান ইদু এক্কান আসনত্‌ বোই এলঅ।

১ শমূয়েল 14:3

আর তারা ভিদিরে অহিয় এলঅ, যিবের্‌ কিয়্যেত্‌ এফোদ এলঅ। অহিয় অহীটুবর পূঅ এলঅ, অহীটুবে ঈখাবোদর ভেই এলঅ, ঈখাবোদে পীনহসর পূঅ এলঅ আর পীনহসে এলির পূঅ এলঅ; এলি শীলোদত্‌ লগেপ্রভুর ধর্মগুরু এলঅ। যোনাথনে যে নিগিলি যেইয়্যে সিয়েন কনজনে হবর্ ন-পেদাক্।

১ শমূয়েল 2:19

পত্তিবারত্‌ নেক্কোর লগে এক বোজোজ্যে য়েমান-উৎসর্ব গুরিবাত্তে যেবার সময়োত্‌ শমূয়েলর মাবো এক্কো চিগোন্ সুলুম বানেইনে তাত্তে নেযেদ।

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।

১ শমূয়েল 3:13

মুই তারে কঙর্‌, অন্যেয়র কারণে তার বংশবোরে মুই উমরত্যে সাজা দিবাত্যে যাঙর্‌। তে কোই পারিদো, তার পূঅগুনে নিজো মাদাগুনোর অভিশাব ডাগি আন্যন্‌, অদচ তে তারার্ বুদুলিবার্ চেট্টা ন-গরে।

১ শমূয়েল 4:11

গোজেনর সাক্ষ্য-সুন্দুক্কো শত্রুগুনে নেযেলাক্। এলির দ্বিবে পূঅ হফ্‌নি আর পীনহসে মারা পড়িলাক্।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।