১ শমূয়েল 1:26 - Chakma Bible

²⁶ হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।

১ শমূয়েল 1:26 ပူးပေါင်းရင်းမြစ်များ

পত্থম 42:15

ইয়েন্দোই তমার পোরোক্ষে ওই যেবঅ-তমা চিগোন ভেইবো যেদক্কন্‌ সং ইধু ন-এজে সেদক্কন্‌ সং তুমি ইয়োত্তুন্‌ ছড়ান্ ন-পেবা। মর্‌ এ কধাগান্‌ মুই ফরৌণর্ জিংকানিগান নাঙে শমক্‌ গুরিনে কঙর্‌।

২ শমূয়েল 11:11

ঊরিয় দায়ূদরে কলঅ, “সাক্ষ্য-সুন্দুক্কো অানিনে ইস্রায়েল আর যিহূদার সৈন্যগুনে তাম্বুলোত্‌ আগন্‌, আর মঅ সেনাপতি যোয়াব আর তঅ মানুচ্চুনে খুলো মাদত্‌ তাম্বুল টাঙেইনে রোইয়োন্‌। এ অবস্থাত্‌ মুই কেধোক্ক্যেন গুরি ঘরত্‌ যেইনে হানা-দানা গুরিনে মঅ মোক্কো সমারে বিচ্ছোনত্‌ থেম্‌? তর্‌ পরাণানর্‌ নাঙে কঙর্, মুই এবাবোত্যে কাম্‌ কনদিন্‌অ ন-গুরিম।”

২ শমূয়েল 14:19

রাজা কলঅ, “ইয়েনি পৌইদ্যেনে তঅ লগে কি যোয়াবর আঢ্ আঘে?” জোবত্‌ মিলেবো কলঅ, “ও মঅ গিরোজ্‌ মহারাজ, তঅ পরাণর নাঙে কঙর্, তুই যিয়েনি কোইয়োচ্‌ সিয়েনিত্তুন্‌ কারর্ ডেনে বা বাঙে সুরি যেবার্‌ খেমতা নেই। অয়, তঅ চাগর্‌ যোয়াবে এ কামান গুরিবাত্তে কোইয়্যে আর মরে এ কধানি কবাত্তে শিগেই দিয়্যে।

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ রাজাবলী 4:30

মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

১ শমূয়েল 17:55

দায়ূদরে সেই পলেষ্টীয়গুনোর লগে যুদ্ধো গুরিবাত্তে যাদে দেগিনে শৌল তার সেনাপতি অব্‌নেরকরে কোইয়্যেদে, “আচ্ছা অব্‌নের, এই গাবুজ্যেবো কার্ পূঅ?” জোবত্‌ অবনেরে কলদে, “মহারাজ্, তর্‌ পরাণানরে শমক্‌ খেইনে কঙর্‌, মুই হবর্‌ ন-পাং।”

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।