১ শমূয়েল 1:24 - Chakma Bible

²⁴ পূঅবোরে দুধ এরানার পরেন্দি হান্না তিন্নো দামাড়া গোরু, আদার কেজি মোইদে, চামর্‌ থৈইলেত্‌ গুরিনে এক থৈল্যে আংগুর-রস আর পূঅবোরে লগে নেযেইনে শীলোদত্ লগেপ্রভুর ঘরত্‌ গেলঅ। পূঅবো সেক্কেয়ো চিগোন এলঅ।

১ শমূয়েল 1:24 ပူးပေါင်းရင်းမြစ်များ

পত্থম 21:8

ইস্‌হাকে দাঙর্‌ অনার পরেদি যেদিন্যে তারে মাবো দুধ ছাড়ি দিয়া অলঅ সেদিন্যে অব্রাহামে এক্কান দাঙর্‌ হানা দিলো।

১ রাজাবলী 11:20

তহ্‌পনেষর বোন্নোর পেদত্‌ হদদর ইক্কো পূঅর্‌ জর্ম ওইয়্যে; সে পূঅবোর্‌ নাঙান্‌ এলদে গনুবৎ। তহ্‌পনেষ পূঅবোরে রাজঘরত্‌ রাগেল আর সিয়োদোই তে মা দুধ হানা ছাড়িলো। গনুবৎ সিদু ফরৌণর ঝি-পূঅগুনোর সমারে থেদঅ।

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।