১ শমূয়েল 1:20 - Chakma Bible

²⁰ সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।

১ শমূয়েল 1:20 ပူးပေါင်းရင်းမြစ်များ

পত্থম 16:11

তে তারে আরঅ কলঅ, “চাহ্‌, তুই পিদিলী ওইয়োচ্‌। তর্‌ এক্কো পুয়ো অবঅ। আর সে পুয়োবোর নাঙান্‌ তুই ইশ্মায়েল (যিয়েনর্‌ ভেদ্‌তান্ ‘গোজেনে শুনে’) রাগেবে, কিত্তে তর্‌ দুঘোর্‌ কানানিগান লগেপ্রভু কান্‌ পাত্যে।

পত্থম 30:22

ইয়েনর পরেদি গোজেনে রাহেল ইন্দি মনযোগ দিলো। তে রাহেলর তবনার্ জোবত্‌ তারে পুয়ো অবার্‌ খেমদা দান গুরিলো।

পত্থম 4:25

পরেদি আদমে আরঅ তা মোক্কো ইধু গেলঅ সেক্কে তা মোক্কোর্ এক্কো পুয়ো অলঅ। তা মোক্কো সিবে নাঙান্‌ রাগেল শেথ। হবা কলঅ, “কয়িন হেবলরে মারে ফেলেইয়্যে বিলি গোজেনে হেবল জাগানত্‌ মরে আরঅ এক্কো পুয়ো দিলো।”

পত্থম 5:29

তে কলঅ, “আমার বেক্‌ কামানির্‌ ভিদিরে, আজল্‌কধা লগেপ্রভু মাদিগানরে অভিশাব দেনার পরেদি সিয়েন উগুরে আমার যে কামানি গরা পরে সিয়েনি ভিদিরে এ পুয়োবো আমারে সান্তনা দিবো।” ইয়েন কোইনে তে তা নাঙান্‌ দিলো নোহ।

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

গীতসংহিতা 120:1

মুই দজাত্ পড়িনে লগেপ্রভুরে ডাগিলুং, তে মরে জোব্ দিলো।

যাত্রা 2:10

পুয়োবো দাঙর্‌ অনার্‌ পরেদি মিলেবো তারে ফরৌণ ঝিবো ইধু নেযেল, আর তে তারে নিজোর্‌ পুয়ো ইজেবে মানি ললঅ। তে কলঅ, “তারে মুই পানিত্তুন্‌ তুলি আন্যং।” সেনত্তে তে তার্ নাঙান্‌ রাগেল মোশি।

যাত্রা 2:22

সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

ইব্রীয় 11:32

ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।