১ শমূয়েল 1:15 - Chakma Bible

¹⁵ জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।

১ শমূয়েল 1:15 ပူးပေါင်းရင်းမြစ်များ

ইয়োব 30:16

ইক্কিনে মঅ জিংকানিত্ ভাতা পোজ্য; দুঘো দিনুনে মরে আক্রমণ গত্তন্।

গীতসংহিতা 143:6

মুই তন্দি মঅ আঢ্‌তান বাবেই দুয়োং; শুগুনো ভুইয়ো ধোক্ক্যেন্ মঅ পরাণানে তত্তে ধারস্ গরের্।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গম্ উপদেজ্ 14:10

যিবের মনান্ তিদে তে সিয়েন নিজে বুঝে; একজন মন হুজির ভাগি অন্যজনে ওই ন-পারে।

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 25:15

রাগ্ দোঙেই রাগেলে নেতারে নিজোর তপ্পে আনা যায়; নম্র কধাবাত্তা আড়্‌‍গড়া ভাঙি ফেলেই পারে।

আবিলেচ্ 2:19

উদ্, রেদোর্ বেন্যে পোত্যে কানি উদ্; লগেপ্রভুর মুজুঙোত্ পানি ধোক্ক্যেন গুরি ঢালি দে তঅ মনান্। তর্ ঝি-পুয়োগুনে যিগুনে পেট্‌পরায় পধে পধে অজ্ঞান ওইয়োন্, তারার্ জিংকানিগানি বাঁজেবাত্তে তা নাঙে তঅ আঢ্‌‌তান তুল।”

১ শমূয়েল 1:16

তর্‌ এই চাগরানীবোরে তুই এক্কো বাজে মিলে মনে ন-গুরিচ্‌। অমহদ ভান্ন্যেই চিদে-চজ্জালোই আর মনত্‌ দুঘে মুই এদক্ষণ সং তবনা গরঙর্‌।”

১ শমূয়েল 7:6

সেক্কে তারা বেক্কুনে মিস্পাদত্‌ এগত্তর্‌ অলাক। তারা পানি তুলিনে লগেপ্রভুর মুজুঙোত্‌ ঢালি দিইনে সেদিন্যে সিয়েনত্‌ উবোস থেলাক্ আর কলাক্কে, “আমি লগেপ্রভুর বিরুদ্ধে পাপ গোজ্যেই।” শমূয়েলে মিস্পাতত্তুন্‌ ইস্রায়েলীয়গুনোরে শাজন্ গুরিদো।