১ পিতর 5:4 - Chakma Bible

⁴ সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

১ পিতর 5:4 ပူးပေါင်းရင်းမြစ်များ

গীতসংহিতা 23:1

লগেপ্রভু মর্ পালক, মর্ অভাব নেই।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

যোহন 10:11

মুয়ই আজল্ ভেড়া গরক্। আজল্ ভেড়া গরক্কো তা ভেড়াগুনোত্তে নিজো পরাণান্ দে।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।