১ পিতর 5:2 - Chakma Bible

² তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

১ পিতর 5:2 ပူးပေါင်းရင်းမြစ်များ

২ রাজাবলী 12:6

মাত্তর্‌ যোয়াশর রাজাগিরির তেইশ বজরত্‌ দেগা গেলদে ধর্মগুরুগুনে সেক্কেয়ো তবনা-ঘরর্‌ ঠিগ্‌ গুরিবার কামানি ন-গরন্‌।

পরমগীত 1:8

ও বেগ দোল্ মিলেবো, তুই যুনি সিয়েন হবর্ ন-পাজ্ সালে ভেড়া পালর্ টেঙ চিহ্নোগান্ ধুরি এইনে গরক্কুনোর্ তাম্বুলানি কায়-কুরে তর্ বেক্ ছাগল ছঅগুন্ চরা।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিশাইয় 6:8

সে পরেদি মুই প্রভুর্ কধা শুনিলুং। তে কলদে, “মুই কারে পাদেম্? আমা পক্ক ওইনে কন্না যেবঅ?” মুই কলুং, “এইয়্যেদ মুই, তুই মরে পাদা।”

যিশাইয় 63:11

সেক্কে তা মানুচ্চুনে পুরোনা দিনোর কধা, অত্তাৎ মোশি আর তা মানুচ্চুনোর পুরোণি দিনোর কধা ইদোত্ তুলিলাক্। তারা কলাক্, “যিবে তা মানুচ্চুনোরে আর তারার নেতাগুনোরে সাগর ভিদিরেদি আন্যে, যিবে তারা ভিদিরেদি থেবাত্তে তা পবিত্র আত্মাগানরে দিয়্যে তে কুদু?

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 13:20

লগেপ্রভু কোইয়্যেদে, ও যিরূশালেম, তুই চোগ্ তুল্, রিনি চাহ্, উত্তোরেত্তুন্ শত্রুগুনে এত্তন্। যে পাল্লো তঅ আঢত্ দিয়্যে ওইয়্যে, যে ভেড়াগুনোরে নিইনে বাড়্‌বো গুরিদে তারা কুদু?

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিহিষ্কেল 34:23

মুই তারা উগুরে এক্কো গরগরে, অত্তাৎ মর্ চাগর্ দায়ূদোরে নেযেম; তে নিজেই তারারে দেগাশুনো গুরিবো আর তারার্ গরগ্ অবঅ।

যিহিষ্কেল 34:31

ও মর্ ভেড়াপালুন, মর্ চোরেয়্যে ভূইয়োর পাল, তুমি মঅ মানুচ্ আর মুয়ই তমার্ গোজেন। মুই প্রভু লগেপ্রভু এ কধাগান কঙর্।’”

যিহিষ্কেল 46:24

তে মরে কলঅ, “ইগুন্ অলঅ চুলো; যিগুনে উবোসনা-ঘরর্ সেবা-কাম গরন্ তারা সিয়েনত্ মানুচ্চুনোত্তে উৎসর্বর জিনিস্‌চানি উজিবাক্।”

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

সখরিয় 11:17

“অভিশাব্ পোড়োক্, সেই অপদাত্ত গরগ্‌‌কোর, যে সেই পাল্লো ছাড়িনে যায়! লাম্বা ছুরিগানে যেন তা আঢ্‌তানরে আর ডেন্ চোগ্‌‌‌‌কোরে আঘাত গরে। সেক্কে তা আঢ্‌‌‌তান এক্কুবারে শুগেই যেবঅ আর তা ডেন্ চোগ্‌‌‌কো এক্কুবারে কান্ ওই যেবঅ।”

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

প্রেরিত্‌ 20:29

মুই হবর্ পাং, মুই যানার্ পরেদি মানুচ্চুনে চিৎ ন-পুজ্যে হোক্যে বাঘ ধোক্ক্যেন্ গুরি তমা ইধু এবাক্ আর ভেড়া পালুনোর্ ক্ষতি গুরিবাক্।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

রোমীয় 1:15

সিয়েনত্তে তুমি যিগুনে রোমত্ আঘঅ তমা ইধুয়ো যীশু খ্রীষ্ট পৌইদ্যেনে গম্ হবর্ প্রচার গুরিবাত্তে মুই আওজি।

১ করিন্হীয় 9:7

নিজোর্ পৌইজ্যে খরচ্ গুরিনে কন্না সৈনিগোর্ কাম গরে? আংগুর ক্ষেত যে গরে তে কি তার্ ফলুন্ ন-খায়? য়েমান পালুন্ যে চরায় তে কি সিগুনোর্ দুধ ন-খায়?

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

ফিলীমন 1:14

মাত্তর্ তর উগুম ছাড়া মুই কিচ্চু গুরিবাত্যে ন-চাং, যেনে জোর্ গুরিনে তর্ দোয়্যেগান উজোল্ গরা ন-পরে, বরং তুই যেন নিজোত্তুন্ দোয়্যে গরচ্।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।