১ পিতর 5:13 - Chakma Bible

¹³ গোজেনে তমা সমারে যিগুনোরে বেঈ লোইয়্যে বাবিলর সেই মন্ডলীর্ মানুচ্চুনে তমারে পাত্তুরু তুরু জানাদন্, আর মর্ পুয়োবো মার্কেয়ো তমারে পাত্তুরু তুরু জানার্।

১ পিতর 5:13 ပူးပေါင်းရင်းမြစ်များ

গীতসংহিতা 87:4

লগেপ্রভু কোইয়্যেদে, “যিগুনে মরে ঘেচ্চেক্‌গুরি হবর্ পান তারার পৌইদ্যেনে কবার অক্তত্ মুই রহব আর বাবিলোর কধা কোম্, আর উইয়োবু পলেষ্টীয়গুন, সোর আর কূশ, তারার কধায়ো কোম্, ‘ইগুনে পত্তিজনে যেন সিয়োনত্ জর্মেয়োন।’ ”

প্রেরিত্‌ 12:12

এ কধাগান বুঝি পারিনে তে যোহনর মা মরিয়ম ঘরত্ গেলঅ। এই যোহনরে মার্ক বিলিনেয়ো ডাগা অদঅ। সেই ঘরত্ ভালোকজনে এক সমারে এগত্তর্ ওইনে তবনা গত্তন্।

প্রেরিত্‌ 12:25

ইন্দি বার্ণবা আর শৌলর কামান্ থুম্ অনায় তারা যোহনরে সমারে লোইনে যিরূশালেমত্ ফিরি গেলাক্। এ যোহনরে মার্ক নাঙেয়ো ডাগা অদঅ।

প্রেরিত্‌ 15:37

সেক্কে বার্ণবা যোহনরে সমারে লবাত্তে চেলঅ। এই যোহনরে মার্ক বিলিনেয়ো ডাগা অদঅ।

প্রেরিত্‌ 15:39

সেক্কে পৌল আর বার্ণবা ভিদিরে এমন্‌ কধার্ অমিল্ অলঅ যে, তারা একজন আরেক্ জনত্তুন্ ফারগ্ ওই গেলাক্। বার্ণবা মার্করে লোইনে জাহাজত্ গুরি সাইপ্রাস দ্বিপোত্ গেলঅ, আর পৌল সীলরে বেঈ নেযেল।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

ফিলীমন 1:24

ইয়েন বাদে মার্ক, আরিষ্টার্খ, দীমা আর লূক-মর্ এ সমাজ্জ্যে গুনেয়ো তরে ভালেদি জানাদন্।

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।

২ যোহন 1:13

গোজেনর্ বেঈ লোইয়্যে তঅ বোনুনোর্ পুয়ো-ঝিগুনে তরে ভালেদি জানাদন্।

ফগদাং পেইয়্যে 17:5

তা কবালত্ এমন্‌ নাঙ্ লেগা এলঅ যিবে পৌইদ্যেনে এক্কান গুমুরো সত্য আঘে। সেই নাঙান্ অলঅ, “নাঙ্ গোজ্জ্যে বাবিল, বেশ্যেগুনোর আর পিত্‌থিমীর বেক্‌ জঘন্য জিনিজোর্ মা।”

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,