১ পিতর 4:8 - Chakma Bible

⁸ আর বেগত্তুন্ দাঙর্ কধাগান অলঅ, তুমি একজন আরেকজনরে যদবদে কোচ্‌পেইয়ো, কিয়া কোচ্‌পানাগানে ভালক্কানি পাপরে ঢাগি রাগায়।

১ পিতর 4:8 ပူးပေါင်းရင်းမြစ်များ

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 12:16

যিবের চিদে-চজ্জানি বাজে তে তার লবাদোস্যেগানি ফগদাং গুরি ফেলায়, মাত্তর্ উজিয়ারবলা মানুচ্ নিজোর অগমানানি নাঢি দে।

গম্ উপদেজ্ 17:9

যে মানুচ্চো অন্যেয়ানি ঢাগি দে তে কোচ্‌পানাগান বাড়েই দে, মাত্তর্ যে মানুচ্চো কোই কোই বেড়াই তে দাংগুত্ব ভাঙি ফেলায়।

গম্ উপদেজ্ 18:13

শুনিবার আগেদি যে মানুচ্চো জোব্ দে তার্ তপ্পে সিয়েন ভুলো কাম আর লাজর্ কধা।

১ করিন্হীয় 13:1

মুই যুনি মান্‌জ্যর আর স্বর্গদূত্‌‌তুনোর্ ভাষায় কধা কং মাত্তর্ ম-ইধু কোচ্‌পানা ন-থায়, সালে মুই বেশ গুরি বাজেয়্যে ঘন্টা বা ঝন্‌‌‌ঝন্‌ গোজ্জ্যে তাল ধোক্ক্যেন ওইয়োং।

১ করিন্হীয় 13:4

কোচ্‌পানা নিত্য ধৈজ্জ্য ধরে, দোয়্যে গরে, ইংসে ন-গরে, দেমাগ্ ন-গরে, বার্‌‌বো ন-গরে,

কলসীয় 3:14

আর ইয়েনি উগুরে কোচ্‌পানালোই নিজোরে সাজঅ। কোচ্‌‌পানাগানে সেই বেক্ গুণানিরে একলগে বানিনে পেলাং পেলাং গুরি দান গরে।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

ইব্রীয় 13:1

তুমি একজন আরেক জনরে ভেইয়ো ধোক্ক্যেন কোচ্‌পেইয়ো।

যাকোব 5:12

মর্ ভেইয়ুন্, মুই বিশেজ্ গুরিনে এ কধাগান কং, তুমি স্বর্গ, পিত্‌থিমী বা অন্য কনঅ জিনিজো নাঙে শমক্ ন-হেয়ো। সিয়েনত্তুন্ বরং তমার “অয়,” “অয়” ওক্ আর “নয়,” “নয়”ওক্, যেন তুমি বিচেরর্ দায়ত্ ন-পড়।

যাকোব 5:20

মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

৩ যোহন 1:2

পরাণর্ সমাজ্জ্যেবো, মুই তবনা গরং যেন তর্ বেক্কানি গমেডালে চলে আর আত্মার ইন্দিত্তুন্ তুই যেধোক্ক্যেন গমেডালে চলর্ ঠিগ্ তর্ কিয়্যেগানঅ যেন গমেডালে চলে।