১ পিতর 4:15 - Chakma Bible

¹⁵ তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।

১ পিতর 4:15 ပူးပေါင်းရင်းမြစ်များ

যাত্রা 22:2

যুনি কনঅ‌ চুরে চুর্‌ গুরিবাত্তে যেইনে ঘরত্‌ চোমেবার্‌ অক্তত্‌ ধরা খায়্‌ আর আহত ওইনে মুরি যায়্‌, মাত্তর্‌ যিবের্‌ আঘাত্তোই‌ তে মুরি গেলঅ তে খুনোর্‌ দায়ী ন অবঅ।

মথি লেখ্যে গম্ হবর্ 5:11

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্।

১ থিষলনীকীয় 4:11

আমি তমারে যে উগুম দিয়্যেই সেবাবোত্যেগুরি শান্ত জিংকানি কাঢাদে, নিজোর্ কামত থাগদে আর নিজো আঢে কাম গত্তে বিশেজ্ গুরিনে আয়োজি অ।

২ থিষলনীকীয় 3:11

আমি শুনির্, তমা ভিদিরে কেঅ কেঅ আল্‌সি গুরি চলদন্ আর এক্কুবারে কাম ন-গত্তন্, বরং অন্য পৌইদ্যেনে খিজেখিচ্চ্যে গত্তন্।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।