১ পিতর 3:7 - Chakma Bible

⁷ ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

১ পিতর 3:7 ပူးပေါင်းရင်းမြစ်များ

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

মথি লেখ্যে গম্ হবর্ 18:19

“মুই তমারে আরঅ কঙর্, তমা ভিদিরে দ্বিজন্ যুনি একমন্ ওইনে কনঅ পৌইদ্যেনে তবনা গরে সালে মর্ স্বর্গর্ বাপ্পো তমাত্তে সিয়েন্ গুরিবো,

১ করিন্হীয় 7:3

কিয়্যেগানদি মোক্কোর্ যিয়েন পাওনা, তা নেক্কো তারে সিয়েন দোক্; সেবাবোত্যেগুরি মোক্কোয়ো নেক্কোরে দোক্।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইফিষীয় 5:33

মাত্তর্ যাক সেই বেক কধানি। তুমি পত্তিজনে নিজো মোগরে নিজো ধোক্ক্যেন কোচ্‌পেইয়ো; আর মোগর্-অ উচিত যেন তে নিজো নেগরে সর্মান গরে।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

কলসীয় 3:19

তুমি যিগুনে নেক্, তুমি পত্তিজনে মোগরে কোচ্‌পেয়ো আর তা লগে কড়া বেবহার ন-গোজ্জ্য।

১ থিষলনীকীয় 4:4

আর যিগুনে গোজেনরে ন-জানন্ সেই অযিহূদীগুনো ধোক্ক্যেন কিয়্যের্ কামনার্ লগে ন-চলিনে তুমি পত্তিজনে নিজোর্ কিয়্যেগানরে পবিত্র গুরি সর্মানর সমারে দোঙেই রাগেবাত্যে শিগো।

তীত 3:7

যেন আমি উমর জিংকানির্ আশ্বাস্ পেইনে গোজেনর্ বেক্কানির্ অধিকারী ওই। ইয়েন সম্ভব ওইয়্যেদে, কিয়া গোজেনর্ দোয়্যের্ মাধ্যমে আমারে নিদ্দুজি বিলি মানি লুয়ো ওইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

১ পিতর 3:1

সেবাবোত্যে তুমি যিগুনে মোক্, তুমি পত্তিজনে নেগর্ অধীনতা মানি লঅ, যেন তারা ভিদিরে কেঅ কেঅ গোজেনর্ কধানি বিশ্বেজ্ ন-গুরিলেয়ো তমা চালচলন্ খ্রীষ্ট ইন্দি তারারে টানে। ইয়েনত্ তমার এক্কান কধায়ো কুয়ো ন-পড়িবো,