১ পিতর 3:14 - Chakma Bible

¹⁴ গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

১ পিতর 3:14 ပူးပေါင်းရင်းမြစ်များ

গম্ উপদেজ্ 3:25

আদিক্ক্যেন্‌গুরি দজা এলে তুই ন-দোরেচ্, পাজি মানুচ্চুনোর ভস্ত অনা দেগিনে ন-দোরেয়ো;

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

যিহিষ্কেল 3:9

মুই তঅ কবালান্ হীরা ধোক্ক্যেন দর, চক্‌‌‌‌মকি পাত্তরত্তুন্‌অ বেশ্ দর গুরি দিলুং। যুনিয়ো তারা এক্কো উল্লোমী জাদ্ তো তুই তারারে ন-দোরেচ্ বা তারারে দেগিনে ন-দোরেচ্।”

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

মথি লেখ্যে গম্ হবর্ 10:31

সেনত্তে তুমি ন-দোরেয়ো। ভালোক্কুন্ চড়ই পেগত্তুন্অ বেশ্ তুমি বোউত্ মূল্যবান।

মথি লেখ্যে গম্ হবর্ 10:39

যে কনজনে নিজোর্ জিংকানিগান্ রোক্ষ্যে গুরিবাত্তে চায় তে তার্ ঘেচ্চেক্‌গুরি জিংকানিগান্ আরেব; মাত্তর্ যে কনজনে মত্তে তা পরাণান্ আরায় তে তার্ ঘেচ্চেক্‌গুরি জিংকানিগান্ রোক্ষ্যে গুরিবো।

মথি লেখ্যে গম্ হবর্ 16:25

যে কেঅ তার নিজোত্তে বাঁজি থেবার্ চায় তে তার্ জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে তা পরাণান্ আরায় তে তার্ জিংকানিগান্ ঘেচ্চেক্‌গুরি রোক্ষ্যে গুরিবো।

মথি লেখ্যে গম্ হবর্ 19:29

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

মার্ক 10:29

“অয়,” যীশু তারারে কলঅ, “মুই তমারে কঙর্, যে কেঅ মত্তে আর গোজেনর্ দিয়্যে গম্ হবরত্তে ঘর-বাড়ি, ভেই-বোন, মা-বাপ, ঝি-পুয়ো আর জাগা-জোমিন্ ছাড়ি দিয়্যে,

মার্ক 8:35

যে কেঅ তার নিজোত্তে বাঁজি থেবার্ চায় তে তার্‌‍‍‍ ‌‍‍‍জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে আর গোজেনর দিয়্যে গম্ হবরত্তে তা পরাণান্ আরায়, তে তার ঘেচ্চেক্‌‌গুরি জিংকানিগান রোক্ষ্যে পেবঅ।

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 5:11

যিগুনে ধৈয্য ধুরিনে সোজ্জ্য গোজ্জ্যন তারারে আমি বর্ পেইয়্যে কোই। তুমি ইয়োবর্ ধৈয্যর্ কধা শুন্ন্য আর প্রভুর কামর শেজ্ ফল যে গম সিয়েন্‌অ দেক্ক্য। প্রভুর দোয়্যে আর মেয়্যের্ শেজ্ নেই।

১ পিতর 3:6

যেন্‌ সারা অব্রাহামর বাধ্য এলঅ আর তারে প্রভু বিলিনে ডাগিদো। তুমি যুনি কনঅ বাবদে দরানরে নিজো উগুরে কাম গুরিবাত্যে ন-দিইনে যিয়েন গম সিয়েনই গরঅ সেক্কে ইয়েনই প্রমাণ অবদে যে, তুমি সারার্ যগাজ্জ্যে পুয়ো-ছা।