১ পিতর 3:10 - Chakma Bible

¹⁰ পবিত্র বোইবোত্ লেগা আঘে, যে সুগী জিংকানি কাদেবার্ চায় আর সুদিন চেবার্ আজা গরে, ভান্ন্যেই কধাত্তুন্ তা জিলানরে, ছলনার্ কধাত্তুন্ তা ঠুদ্‌তোরে তে সামোলোক্।

১ পিতর 3:10 ပူးပေါင်းရင်းမြစ်များ

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

ইয়োব 9:25

যে দাবা দে তাত্তুনো বেশ্‌ মঅ দিনুন্ যাদিমাদি যায়; সিগুন্‌ উড়ি যান্‌, ভালেদি দেগা ন-যায়।

গীতসংহিতা 106:5

ইয়েন্দোই যেনে মুই তর্ বেঈ লোইয়্যে মানুচ্চুনোর্ ভালেদি দেগং, তঅ জাদ্‌তুনোর হুজিয়ে হুজি ওই পারং, আর যিগুনে তর্ সোম্বোত্তি তার ভাগ ইজেবে বাড়্‌বো গুরি পারং।

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 49:19

তো তার পূরোণি মানুচ্চুনোর ইদু তাত্তুন্ যাহ্ পুরিবো যিগুনে আর্ কনদিন্‌অ দিনো পহ্‌‌‌রান ন-দেগিবাক্।

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

গম্ উপদেজ্ 3:2

কিত্তে সেক্কে তুই বোউত্ আয়ু পেবে আর তর্ বোউত্ ভালেদি অবঅ।

গম্ উপদেজ্ 4:22

যিগুনে এবাবোত্যে গরন্ তারাত্তে সিয়েনি অয় জিংকানি, সিয়েনিয়ে তারারে পক্তামক্তা গরে।

গম্ উপদেজ্ 8:35

কিত্তে যে মরে পায় তে জিংকানি পায় আর লগেপ্রভুত্তুন্ দোয়্যে পায়।

উপদেশক 2:3

মুই স্বজ্ঞানে আংগুর-রস হেইনে কিয়্যেগানরে ঝাগেরেলুং আর ভুলো ধোক্ক্যেন কাম্ গুরিনে নিজোরে হুজি গুরিবার চেলুং। মুই দেগিবাত্তে চেলুং, আগাজ তলেদি মান্‌জ্যর বানা কয়েক দিনোর্ জিংকানিত্ তাত্তেই কুবোন্ গম-জ্ঞানর্ পধেদি যানা নাহি ভুল্ পধেদি যানা।

মথি লেখ্যে গম্ হবর্ 19:17

যীশু তারে কলঅ, “গম্ কি জিনিস সে পৌইদ্যেনে কিত্তে মরে পুযোর্ গরর্? গম্ বানা একজনে আঘে। যুনি তুই উমর জিংকানি পেবাত্তে চাজ্ সালে তার্ বেক্ উগুমানি পালা।”

মার্ক 8:35

যে কেঅ তার নিজোত্তে বাঁজি থেবার্ চায় তে তার্‌‍‍‍ ‌‍‍‍জিংকানিগান্ ঘেচ্চেক্‌‍‍‍গুরি আরেব; মাত্তর্ যে কেঅ মত্তে আর গোজেনর দিয়্যে গম্ হবরত্তে তা পরাণান্ আরায়, তে তার ঘেচ্চেক্‌‌গুরি জিংকানিগান রোক্ষ্যে পেবঅ।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

যোহন 12:25

যে নিজো পরাণানরে বেশ্ কোচ্‌পায় তে তার্ ঘেচ্চেক্‌গুরি জিংকানিগান্ আরায়, মাত্তর্ যে এ জগদত্ সিয়েন্ ন-গরে তে তার্ ঘেচ্চেক্‌গুরি জিংকানিগান্ উমরত্যে রোক্ষ্যে গুরিবো।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

যাকোব 1:26

কেঅ যুনি নিজোরে ধার্মিক মনে গরে অদচ নিজোর্ জিলানরে ন-সামালায় তে নিজোরে থগায়। তার্ ধর্মর্ কামানি মিজে।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

ফগদাং পেইয়্যে 14:5

তারা কনদিনঅ মিজে কধা ন-কন্; আর তারা ভিদিরে কনঅ দুষ্ পাহ্ ন-যায়।