১ পিতর 2:20 - Chakma Bible

²⁰ অন্যেয় কামত্যে মেইর্ খেইনে যুনি তুমি সিয়েন সোজ্জ্য গরঅ সালে সিয়েনত্ বাঈনী গুরিবার কি আঘে? মাত্তর্ গম কাম গুরিনেয়ো যুনি তুমি সিয়েনত্যে দুঘ্ পেইনে সিয়েন সোজ্জ্য গরঅ, সালে সিয়েনই গোজেন চোগেদি নাঙ্ গিনেদে ধোক্ক্যেন।

১ পিতর 2:20 ပူးပေါင်းရင်းမြစ်များ

মথি লেখ্যে গম্ হবর্ 26:67

সেক্কে মানুচ্চুনে যীশুর মুয়োনত্ সেফ্ ফেলেই দিলাক্ আহ্ ঘুষি চোড়্ মারিলাক্।

মথি লেখ্যে গম্ হবর্ 5:47

আর যুনি তুমি বানা তমা নিজো মানুচ্চুনোরে ভালেদি জান সালে অন্যগুনোত্তুন্ বেশ্ আর কি গরর্? অযিহূদীগুনেয়ো কি সে বাবোত্যে ন-গরন্?

মার্ক 14:65

সেক্কে কয়েকজনে যীশুরে সেফ্ ফেলেই দেনা আরাম্ভ গুরিলাক্ আর তারা তা মুয়োন্ নাঢি দিইনে তারে ঘুষি মারিনে কলাক্, “অনুমান্ গর্ কন্না তরে মারিলো!” আর সে পরেদি চুগিদারুনে তারে নেযেইনে চুয়োড়্ মারা ধুরিলাক্।

লূকে লেখ্যে গম্ হবর্ 6:32

যিগুনে তমারে কোচ্‌পান তুমি যুনি বানা তারারে কোচ্‌‌‌‌পঅ সালে সিয়েনত্ বাঈনী গুরিবার্ কি আঘে? ভান্ন্যেই মানুচ্চুনেয়ো দঅ এবাবোত্যেগুরি কোচ্‌‌‌‌পেই থান্।

১ করিন্হীয় 4:11

ইক্কিনিয়ো আমি পেট পড়ায় আর পানি তিরেজে দুঘ্ পেইর্। আমার্ কাবড়র অভাব আঘে, আমা লগে চিৎ নপুজ্যে বেবহার গরা অর্, আমার ঘর-বাড়ী নেই।

গালাতীয় 4:18

খালিক্ গম্ উদ্দেচ্চ্যত্যে আওজ্ থানা গম্। মুই যেক্কে তমা ইধু থাং বানা সেক্কে নয়, মাত্তর্ নিত্য আয়োজি থানা গম্।

ইফিষীয় 5:10

সেক্কে তুমি তোলেইনে চেই পারিবা কন্ কন্ কামানিত্ প্রভু হুজী অয়।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

১ পিতর 2:19

যুনি কেঅ অন্যেয় গুরিনে দুঘোত্ ভুগোন্ আর গোজেনরে মনত্ থোইনে সিয়েন সোজ্জ্য গরে সালে তে গোজেনর্ চোগোদি নাঙ্ গিনে হেবার যগাজ্জ্যে।

১ পিতর 3:14

গোজেনর্ আওজ্‌ মজিম চলিবাত্যে যেইনে যুনি তমাত্তুন্ দুগ্অ ভুগো পড়ে সালে তুমি বর্ পেইয়্যে। যিগুনে তমারে দুঘ্ দুয়োন তারারে তুই ন-দোরেচ্ বা দুঘোত্ ওলোজোলো ন-ওচ্,

১ পিতর 3:17

ভান্ন্যেই কাম গুরিনে দুঘ্ পানাত্তুন্ বরং গোজেনর্ আওজে গম্ কাম গুরিনে দুঘ্ পানা বোউত গম।