১ পিতর 2:19 - Chakma Bible

¹⁹ যুনি কেঅ অন্যেয় গুরিনে দুঘোত্ ভুগোন্ আর গোজেনরে মনত্ থোইনে সিয়েন সোজ্জ্য গরে সালে তে গোজেনর্ চোগোদি নাঙ্ গিনে হেবার যগাজ্জ্যে।

১ পিতর 2:19 ပူးပေါင်းရင်းမြစ်များ

ইয়োব 21:27

“তুমি যিয়েন্‌ মনে গরর্‌ সিয়েন্‌ মুই গমেডালে হবর্‌ পাং; মঅ বিরুদ্ধে তমার্‌ বেক্‌ কধানি মর্‌ জানা আঘে।

গীতসংহিতা 119:86

তর্ বেক উগুমানি বিশ্বেজ্ গুরিবার। মান্‌জ্যে মিজে কধা কোইনে মরে অত্যেচার গরন্; তুই মরে বল্ দে।

গীতসংহিতা 35:19

মিজে মিজে গুরি যিগুনে মর্ শত্রু ওইয়োন তুই মরে তারার্ তামাজা গরেদে ধোক্ক্যেন্ অবাত্তে ন-দিচ্; এনেবাদে যিগুনে মরে ঘিনেন্ মর্ বিরুদ্ধে তারা চোখকুন্ চিবেচিবি গুরিবাত্তে ন-দিচ্।

গীতসংহিতা 38:19

মঅ শত্রুগুনে তাজা আর বোলিবন্দ; যিগুনে এনেবাদে মরে ঘিনান্ তারা ভালোক্কুন্।

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

লূকে লেখ্যে গম্ হবর্ 6:32

যিগুনে তমারে কোচ্‌পান তুমি যুনি বানা তারারে কোচ্‌‌‌‌পঅ সালে সিয়েনত্ বাঈনী গুরিবার্ কি আঘে? ভান্ন্যেই মানুচ্চুনেয়ো দঅ এবাবোত্যেগুরি কোচ্‌‌‌‌পেই থান্।

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

রোমীয় 13:5

ইয়েনত্তে তুমি শাসন গুরিয়্যেগুনোর অধীনতা স্বীগের্ গত্তে বাধ্য। গোজেনর্ সাজা দরে বানা তারার্ অধীনতা স্বিগের্ গুরিবা সিয়েন নয়, তমা বিবেক্‌‌কানি সাব্ রাগেবাত্তেয়ো সিয়েন গুরিবা।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 8:1

ভেইলগ্, ম্যাসিডোনিয়া মন্ডলীগুন্ গোজেনত্তুন্ যে বিশেষ দোয়্যে পেইয়োন সে পৌইদ্যেনে আমি তমারে জানের্।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 10:2

রীদি-সুদোমে যুনি তারারে পরিপূরোণ গুরি দান গুরি পাত্ত সালে দঅ য়েমান উৎসর্ব বন্ধ ওই যেদঅ; কিয়া উবোসনা গুরিয়্যেগুনে যুনি একবারে সিজি ওই পারিদাক্ সালে পাপত্যে আর নিজোরে দুষি মনে ন-গুরিদাক্।

১ পিতর 2:20

অন্যেয় কামত্যে মেইর্ খেইনে যুনি তুমি সিয়েন সোজ্জ্য গরঅ সালে সিয়েনত্ বাঈনী গুরিবার কি আঘে? মাত্তর্ গম কাম গুরিনেয়ো যুনি তুমি সিয়েনত্যে দুঘ্ পেইনে সিয়েন সোজ্জ্য গরঅ, সালে সিয়েনই গোজেন চোগেদি নাঙ্ গিনেদে ধোক্ক্যেন।

১ পিতর 4:15

তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।