১ পিতর 2:16 - Chakma Bible

¹⁶ স্বাধীন মানুচ্‌ ইজেবে জিংকানি কাদঅ, মাত্তর্ সদান কামানি ঢাগিবাত্যে সেই স্বাধীনতাগান বেহবার ন-গোজ্জ্য। সিয়েনর বদলে গোজেনর্ চাগর ইজেবে জিংকানি কাদঅ।

১ পিতর 2:16 ပူးပေါင်းရင်းမြစ်များ

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যোহন 15:22

মুই যুনি ন-এদুং আর তারা ইধু কধা ন-কদুং সালে তারার্ দুষ্ ন-অদঅ; মাত্তর্ ইক্কিনে পাপত্যে তারার্ কনঅ ছলনা ধুরি ন-পারিবাক্।

রোমীয় 6:18

পাপ আঢত্তুন্ ছড়ান্ পেইনে তুমি ন্যায়র্ চাগর্ ওইয়ো।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

১ করিন্হীয় 7:22

চাগর্ থানা অবস্থায় প্রভু যারে ডাক্ক্যে তে প্রভুলোই স্বাধীন ওইয়্যে। সেবাবোত্যে যারে স্বাধীন অবস্থায় ডাগা ওইয়্যে তে খ্রীষ্টর্ চাগর্ ওইয়্যে।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

ইফিষীয় 6:6

মান্‌জ্যরে হুজী গুরিবার মনভাব্‌পোই তমা গিরোজ্‌চুনোর চোগো মুজুঙোত্ বানা তারার্ বাধ্য ন-ওইয়ো; তাত্তুন্ বরং খ্রীষ্টর্ চাগর্ ইজেবে গোজেনর্ আওজ্‌চান মনেপরাণে পালেইনে তুমি গিরোজ্‌চুনোর বাধ্য ওইয়ো।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

যাকোব 2:12

যে সুদোমানে মান্‌‌জ্যরে স্বাধীনতা দান গরে সেই সুদোমান্দোই যিগুনোরে বিচের্ গরা অবঅ, তারা ধোক্ক্যেন কধা কঅ আর আঢাউদো গরঅ;

২ পিতর 2:19

সেই ফক্কর্ মাষ্টরুনে সেই মানুচ্চুনোর্ স্বাধীনতা দেনার এগেম্ গরন সত্য, মাত্তর্ নিজে জঘন্য কামর চাগর্ ওইনে থান; কিয়া কেঅ যুনি কনঅ কিজু ইধু ন-জিদোন সালে তে তার চাগর্ অয়।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।