১ পিতর 1:5 - Chakma Bible

⁵ তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 1:5 ပူးပေါင်းရင်းမြစ်များ

ইয়োব 19:25

মুই হবর্‌ পাং মর্‌ উদ্ধোর গুরিয়্যেবো জেদা আঘে; যেরেদি তে পিত্‌থিমীগান উগুরেদি এইনে থিয়্যেব।

গীতসংহিতা 37:28

লগেপ্রভু ন্যায়বিচের গমপায়; তা ভক্তগুনোরে তে ছাড়ি ন-যায়। জিংকানিবর্ তারারে রোক্ষ্যে গরা অবঅ, মাত্তর্ শদানর বংশধরুনোরে ভস্ত গরা অবঅ।

গম্ উপদেজ্ 2:8

যেন তে দোল্ বিচের গুরি পারে, আর তা ভক্তগুনোর্ পথ্‌তানি রোক্ষ্যে গুরি পারে।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 17:15

মুই তরে কোজোলি ন-গরঙর্ তুই তারারে এ জগদত্তুন্ নেযাগোই, বরং কোজোলি গরঙত্তে, শদান আঢত্তুন্ তারারে রোক্ষ্যে গর্।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

রোমীয় 8:18

মুই কোই পারং, আমি যে মহিমাগান্ যেরেদি পেবং সিয়েন তুলনায় আমা এ জিংকানিত্ দুঘ্ পানাগান্ কিচ্চু নয়।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

২ করিন্হীয় 1:24

গিরোজ ধোক্ক্যেন গুরি আমি যে তমার্ বিশ্বেজ্ উগুরে আঢ্ দির্ সিয়েন নয়, বরং তুমি যেন হুজী অ সেনত্যে তমা সমারে কাম্ গরঙর্; কিয়া বিশ্বেজে তুমি দরমর গুরি থিয়্যেই আঘঅ।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ইফিষীয় 3:17

আর বিশ্বেজর্ মাধ্যমে খ্রীষ্ট তমা মনানি পুরোপুরি গুরিনে অধিকার গরে। মুই আরঅ তবনা গরং যেন খ্রীষ্টর্ কোচ্‌পানার মাধ্যমে তুমি গভীন গুরিনে ডুবিইনে থির্ অ,

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।