১ রাজাবলী 9:6 - Chakma Bible

⁶ “মাত্তর্‌ যুনি তুমি বা তমা পূঅ-ঝিগুনে মত্তুন্‌ ফিরি যগোই আর তমাইদু দিয়্যে মর্‌ উঘুম্‌ আর সুদোমানি ন-পালেইনে দেব-দেবেদাগুনোরে সেবা আর পূজো গরঅ,

১ রাজাবলী 9:6 ပူးပေါင်းရင်းမြစ်များ

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

২ রাজাবলী 22:17

তারা মরে বাদ দিইনে দেব-দেবেদাগুনো নাঙে আগর্‌বাট্টি জ্বালেয়োন্‌ আর তারা আঢে বানেয়্যে বেক্‌ মূত্তিগুন্দোই মরে মনত্ দুগ্ লাগেয়োন; সেনত্তে এ জাগান বিরুদ্ধে মর্‌ রাগ আগুনান্‌ জুলি উদিবো আর সিয়েন্‌ মারা ন-যেবঅ।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

গীতসংহিতা 89:30

তা পুয়োগুনে যুনি মঅ উগুমোত্তুন্ দূরোত্ সুরি যান আর মর্ সুদোমানি ন-মানন্,

গীতসংহিতা 89:31

যুনি তারা মঅ সুদোমান্ অমান্য গরন আর মঅ উগুমান ন-পালান্,

গীতসংহিতা 89:32

সালে বারি মারিনে মুই তারারে পাপর সাজা দিম, তারার অন্যেয়র সাজা দিম।

যিরমিয় 26:4

তুই তারারে এ কধাগান কবে, লগেপ্রভু কোইয়্যেদে, ‘তুমি এদকদিন মঅ কধা ন-শুনো আর তমা মুজুঙোত্ মুই যে সুদোমানি রাগেয়োং সিয়েনি ন-পালঅ;

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

১ শমূয়েল 15:11

“শৌলরে রাজা বানানা মর্‌ দুঘোর্ বেপার্ ওইয়্যে, কিত্যে তে মত্তুন্‌ সুরি যেয়েগোই আর মর্‌ উগুমান অমান্য গোজ্যে।” এই কধাগান শুনিনে শমুয়েলে তাদি উদিলো আর পুরো রেত্তো তে লগেপ্রভুর ইদু কানাকুদি গরা ধুরিলো।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।