১ রাজাবলী 9:5 - Chakma Bible

⁵ সালে মুই উমরত্তে ইস্রায়েল উগুরে তর্‌ রাজসিংহাসনান্‌ থিদেবর্ গুরি দিম্‌। এ কধাগান মুই তঅ বাপ্পো দায়ূদোরে শমক্ গুরিনে কোইয়োং, ইস্রায়েল সিংহাসনত্‌ বজিবাত্তে তর্‌ বংশত্‌ মানজ্যর্‌ অভাব ন-অবঅ।

১ রাজাবলী 9:5 ပူးပေါင်းရင်းမြစ်များ

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

২ শমূয়েল 7:16

তর্‌ বংশ আর রেজ্যগান তর্‌ মুজুঙোত্‌ জিংকানিবর্‌ থিদেবর্ থেবঅ। তর্‌ সিংহাসনান্‌ অবঅ জনম্‌ভরা।’”

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 6:12

“তুই যুনি মঅ উঘুম মজিম আদচ্‌, মর্ বেক্‌ সুদোমানি পালাচ্‌ আর মর্‌ বেক্‌ উঘুমানির বাধ্য অচ্‌ সালে তবনা-ঘরান্‌ তুই বানেয়োচ্‌ সিয়েন পৌইদ্যেনে মুই তঅ বাপ্পো দায়ূদো ইদু যিয়েনি শমক্ হেইয়োচ্ সিয়েনি মুই তঅ মাধ্যমে পুরেই দিম্‌।

১ রাজাবলী 8:15

সেক্কে তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর মুয়োন্দি যিয়েনি কোইয়্যে সিয়েনি নিজেই পূরেই দিলো। তে কোইয়্যেদে,

১ রাজাবলী 8:20

“লগেপ্রভু তার্‌ শমক্কান্ রোক্ষ্যে গোজ্যে। মঅ বাপ্পো যে পদথ্‌ এলঅ মুই সে পদথান্‌ পেইয়োং। লগেপ্রভুর শমক্ অনুসারে মুই ইস্রায়েলর সিংহাসনত্‌ বোস্যং আর ইস্রায়েলর গোজেন লগেপ্রভুত্তে মুই এ ঘরান্‌ বানেয়োং।