১ রাজাবলী 9:4 - Chakma Bible

⁴ আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

১ রাজাবলী 9:4 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 20:5

সে মানুচ্চো দঅ নিজেই মরে কোইয়্যে, সিবে তার বোন, আর সে মিলেবোয়ো কলঅ, সিবে তার্ ভেই। মুই সরল মনে এ কামান গোজ্যং; সিয়েনবাদে বারেন্দিয়ো মঅ বেবহার ভিদিরে কনঅ দুজ্ ন-এলঅ।”

২ শমূয়েল 22:22

কিত্যে লগেপ্রভুর পধেন্দি মুই আদা-উদো গোজ্যং; বজং কাম গুরিনে মঅ গোজেনর মুজুঙোত্তুন্‌ সুরি ন-যাং।

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

১ রাজাবলী 11:6

লগেপ্রভুর চোগোত্‌ যিয়েনি ভান্ন্যেই শলোমনে সিয়েনই গুরিলো। তা বাপ্পো দায়ূদে যেবাবাত্যে লগেপ্রভুরে গমেডালে ভোক্তি গুরিদো তে সেধোক্কেন্‌ ন-গুরিদো।

১ রাজাবলী 14:8

মুই দায়ূদোর বংশত্তুন্‌ রেজ্যগান্‌ কারি নেযেইনে তরে দুয়োং, মাত্তর্‌ তুই মঅ চাগর্‌ দায়ূদো ধোক্কেন্‌ ন-অচ্‌। দায়ূদে মর্‌ উঘুম্‌ মানি চলিদো আর মনে-পরাণে মর্‌ বাধ্য এলঅ। মঅ চোগেন্দি যিয়েন্‌ ঠিগ তে বানা সিয়েন গুরিদো।

১ রাজাবলী 15:5

কিত্তেই লগেপ্রভুর চোগেন্দি যিয়েন্‌ ঠিগ দায়ূদে সিয়েন গুরিদো। বানা হিত্তীয় ঊরিয়োর্‌ বেপারান্‌ বাদে তার পূরো জিংকানিগানত্‌ তে লগেপ্রভুর কনঅ উগুম অমান্য ন-গরে।

১ রাজাবলী 3:14

তঅ বাপ্পো দায়ূদো ধোক্ক্যেন গুরি যুনি তুই মর্‌ বেক্‌ সুদোম আর উগুমানি পালন গরচ্‌ আর মর্‌ পধেন্দি আদচ্‌ সালে মুই তরে বোউত্‌ আয়ূ দিম্‌।”

১ রাজাবলী 3:3

শলোমন লগেপ্রভুরে কোচ্‌পেদঅ, সেনত্তে তা বাপ্পো দায়ূদোর উগুম মজিম আদাউদো গুরিদো; মাত্তর্‌ তে উবোসনার উজু জাগায়ানিত্‌ য়েমান উৎসর্ব গুরিদো আর পোইরেক্‌ জালেদ।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

১ রাজাবলী 6:12

“তুই যুনি মঅ উঘুম মজিম আদচ্‌, মর্ বেক্‌ সুদোমানি পালাচ্‌ আর মর্‌ বেক্‌ উঘুমানির বাধ্য অচ্‌ সালে তবনা-ঘরান্‌ তুই বানেয়োচ্‌ সিয়েন পৌইদ্যেনে মুই তঅ বাপ্পো দায়ূদো ইদু যিয়েনি শমক্ হেইয়োচ্ সিয়েনি মুই তঅ মাধ্যমে পুরেই দিম্‌।

১ রাজাবলী 8:25

ইক্কিনে ও ইস্রায়েলর গোজেন লগেপ্রভু, তঅ চাগর মঅ বাপ্পো দায়ূদো ইদু তুই যে শমক্কান্ গোজ্যস সিয়েন রোক্ষ্যে গর্‌। তুই কোইয়োচ্ছে যুনি তা পূঅগুনে তা ধোক্ক্যেন গুরি তারার বেক্‌ কামানিত্‌ তঅ আওজ্ মজিম্‌ চলজ্‌ সালে ইস্রায়েলর সিংহাসনত্‌ বুজিবাত্তে তা বংশত্‌ মান্‌জ্যর অভাব ন-অবঅ।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

গীতসংহিতা 128:1

বর্ পেইয়্যে সেই মানুচ্চুন, যিগুনে লগেপ্রভুরে ভোক্তি গরন্ আর তা পধেদি চলন্।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 26:11

মাত্তর্ মুই গমেডালে আঢা-উদো গরং; মরে তারার্ আঢত্তুন্ উদ্ধোর্ গর্; আর মঅ উগুরে দোয়্যে গর্।

গীতসংহিতা 78:72

দায়ূদে তার দোল মন-মানসিক নিইনে তারারে পালেল; তে তারারে মগজ খাদেইনে চালেই নেযেল।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

গম্ উপদেজ্ 28:18

যিবের চলাফিরেত্ নিদ্দুষি তে গমেডালে থায়, মাত্তর্ যে মানুচ্চো বেঙা পধেদি যায় তে আদিক্ক্যেন্‌গুরি পুরিবো।

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

দ্বি’লম্বর বিররণ 28:1

তমার গোজেন লগেপ্রভু উগুরে যুনি তমার পূরোপুরি বাধ্যতা থায় আর এচ্চ্যে মুই তার যেদক্কানি উগুম তমারে দুয়োঙর্‌ সিয়েনি যুনি তুমি দোলেডালে পালন গরঅ, সালে তে পিত্‌থিমীর অন্য বেক্‌ জাদ্‌তুনো উগুরে তমারে জাগা দিবো।