১ রাজাবলী 9:3 - Chakma Bible

³ লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

১ রাজাবলী 9:3 ပူးပေါင်းရင်းမြစ်များ

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

২ বংশধর 33:7

তে যে মূত্তিবো কাবিনে বানেইয়্যে সিবে নেযেইনে গোজেন ঘরত্‌ রাগেল। গোজেনে এ ঘরান পৌইদ্যেনে দায়ূদ আর তার্‌ পুয়ো শলোমনরে কোইয়্যেদে, “এ ঘরান্‌ আর ইস্রায়েলর পুরো গুট্টিগুনো ভিদিরেত্তুন্‌ মর্‌ বেঈ লোইয়্যে এ যিরূশালেমানরে মুই উমরত্তে মর্‌ থেবার্‌ জাগা বানেম্‌।

২ বংশধর 6:40

ও মর্‌ গোজেন, এ জাগানত্‌ যেদক্কানি তবনা গরা অবঅ সিন্দি যেনে ইক্কিনে তঅ চোগকুন্‌ আর কানানি খুলো থায়।

ইষ্রা 6:12

কনঅ রাজা বা কনঅ জাদে যুদি এই উগুমান অমান্য গুরিনে যিরূশালেমর্ সেই উবোসনা-ঘরান ভস্ত গুরিবাত্যে যায় সালেন্ গোজেনে, যিবে সিয়েনত্ বজত্তি গরে তে যেনে তারে ভস্ত গরে। মুই দারিয়াবস এই উগুমান দুয়োঙর্। ইয়েন যেনে যত্তন্ গুরিনে পালন্ গরা অয়।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 34:17

যিগুনে ন্যায় কাম গরন্ লগেপ্রভু তারার্ কানানিগানি শুনে; বেগ্ দুগোত্তুন্ তে তারারে উদ্ধোর্ গরে।

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

গীতসংহিতা 66:19

মাত্তর্ গোজেনে যে শুন্যে সিয়েনত কনঅ ভুল নেই; তে মর্ তবনাগান শুন্যে।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 29:44

“মুই মিলন-তাম্বুলান আর ডালিপূজোবো মর্‌ নাঙে ফারক্‌ গুরি রাগেম্‌ আর ধর্মগুরু ওইনে মরে সেবা গুরিবাত্তেই হারোণ আর তার্‌ পূঅগুনোরেয়ো ফারক্‌ গুরি রাগেম্‌।”

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 7:10

সে পরেদি এইনে তুমি মঅ ঘরত্ মঅ মুজুঙোত্ এইনে থিয়্যেইনে কঅ, তুমি গমে আগঅ। তুমি সিয়েনি গরঅ যেনে তুমি সেই জঘন্য কামানি গুরি যেই পারঅ।

দানিয়েল 9:23

তুই তবনা আরাম্ভ গত্তে ন-গত্তে গোজেনে সিয়েনর জোব্ দিলো, আর সিয়েন মুই তরে জানেবাত্তে এচ্চ্যং, কিয়া তে তরে অমকদ কোচ্‌পেদঅ। সেনত্তে এ হবরান পৌইদ্যেনে তুই চিদে গুরি চাহ্ আর দর্শনান্ বুঝি লঅ।‌‌‌‌‌

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

দ্বি’লম্বর বিররণ 11:12

সে দেজছানর্‌ দেগাশুনো তমার গোজেন লগেপ্রভুই গরে। বজরর্‌ আরাম্ভত্তুন্‌ ধুরি যেরেন্দি সং আমিঝে তার্‌ চোখ্‌কুন্‌ সে দেজ উগুরে রোইয়্যে।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:21

তমার গোজেন লগেপ্রভু নিজোরে ফগদাং গুরিবাত্তে যে জাগায়ান বেঈ নেযেব সিয়েন্‌ যুনি তমাত্তুন্‌ বোউত্‌ দূরোত্‌ অয়, সালে মর্‌ দিয়্যে উগুম মজিম তুমি লগেপ্রভুর দিয়্যে গোরু-ভেড়ার পালত্তুন্‌ য়েমান নেযেইনে কাবি পারিবা আর যার যার আদাম আর শঅরত্‌ আওজ্ মজিম য়েরা হেই পারিবা।

দ্বি’লম্বর বিররণ 12:5

মাত্তর্‌ তমার গোজেন লগেপ্রভু নিজোরে ফগদাং গুরিবাত্তে তমার বেক্‌ গুট্টিগুনোরে দিয়্যে জাগাত্তুন্‌ যে জাগাগান তার থেবার জাগা ইজেবে বেঈ নেযেবা তুমি সিয়োদোই তার উবোসনাত্তে যেবা।

দ্বি’লম্বর বিররণ 16:11

তমার গোজেন লগেপ্রভু নিজোরে ফগদাং গুরিবাত্তে তার থেবার জাগা ইজেবে যে জাগায়ান বেঈ নেযেব সিয়েনত তা মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমা ভিদিরে বজত্তি গোজ্যে লেবীয়গুনে, বিদেশী বাসিন্দাগুনে, নাঢা মান্‌জ্যর ঝি-পূঅগুনে আর রানিমিলেগুনে-তুমি বেক্কুনে ফুত্তি গুরিবা।

১ যোহন 5:14

গোজেন উগুরে আমার এই বিশ্বেজ্‌চান আঘেদে যে, তা আওজ্ মজিম যুনি আমি কিজু মাগিই সালে তে আমা কধানি শুনে।