১ রাজাবলী 9:16 - Chakma Bible

¹⁶ ইয়েনর্‌ আগেন্দি মিসরর রাজা ফরৌণে গেষর গজক্ গুরিনে সিয়েন্‌ আগুনোত্‌ পুড়ি দিয়্যে আর সিদুগোর্‌ আদাম্মে কনানীয়গুনোরে মারে ফেলেয়্যে। যেরেন্দি তে জাগায়ান তা ঝিবোরে, অত্তাৎ শলোমনর্ মোক্কোরে বৌর্‌ ডাবা ইজেবে দিয়্যে।

১ রাজাবলী 9:16 ပူးပေါင်းရင်းမြစ်များ

১ রাজাবলী 3:1

শলোমন মিসরর রাজা ফরৌণর ঝিবোরে মোক্‌ লোইনে তা লগে দাংগুত্ব গরানাগান্ থিদেবর্ গুরিলো। শলোমনর্ রাজঘর, লগেপ্রভুর ঘর আর যিরূশালেমর চেরোকিত্তে দেবাল্লোই ঘিজ্যে থুম্‌ ন-অনা সং তে তা মোক্কোরে দায়ূদ-শঅরত্‌ রাগেল।

১ রাজাবলী 7:8

যে ঘরানত্‌ তে বজত্তি গুরিবো সিয়েন বিচের-কুটিরোর পিজেন্দি এক বাবোত্যে গুরি বানা অলঅ। ফরৌণর যে মিলেবোরে তে লোইয়্যে তাত্তেই সেধোক্ক্যেন্‌ গুরি আর এক্কান ঘর বানেল।

১ রাজাবলী 9:24

ফরৌণর ঝিবো দায়ূদ-শঅরান্‌ ছাড়িনে তাত্তেই শলোমনর্ বানেয়্যে রাজঘরত্‌ এজানার পরেন্দি শলোমনে মিল্লো ঘরান বানেল।

যিহোশূয় 10:33

এ ভিদিরে গেষরর রাজা হোরম লাখীশর মানুচ্চুনোরে বল্‌ দিবাত্তে এচ্ছ্যে মাত্তর্‌ যিহোশূয় তারে আর তার সৈন্যদল্লোরে ওদেই দিলো। যেরেন্দি আর কনজনে বাঁজি ন-থেলাক্‌।

যিহোশূয় 16:10

গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।