১ রাজাবলী 9:1 - Chakma Bible

¹ এধোক্ক্যেনগুরি শলোমনে লগেপ্রভুর ঘর, রাজঘর আর নিজোর্‌ আওজ্ মজিম্‌ যেদক্কানি কাম্‌ গুরিবাত্তে চেইয়্যে সিয়েনি থুম্‌ গুরিলো।

১ রাজাবলী 9:1 ပူးပေါင်းရင်းမြစ်များ

১ রাজাবলী 3:1

শলোমন মিসরর রাজা ফরৌণর ঝিবোরে মোক্‌ লোইনে তা লগে দাংগুত্ব গরানাগান্ থিদেবর্ গুরিলো। শলোমনর্ রাজঘর, লগেপ্রভুর ঘর আর যিরূশালেমর চেরোকিত্তে দেবাল্লোই ঘিজ্যে থুম্‌ ন-অনা সং তে তা মোক্কোরে দায়ূদ-শঅরত্‌ রাগেল।

১ রাজাবলী 6:37

চের্‌ বজরত্‌ সিব মাজত্‌ লগেপ্রভুর ঘরর্‌ গোড়াগান গাড়া ওইয়্যে।

১ রাজাবলী 7:1

রাজঘরান বানাদে শলোমনর্ তের বজর্ লাগিলো।

১ রাজাবলী 7:2

রাজঘরত্‌ তে লেবানন-বন-কুটির নাঙে এক্কান ঘর বানেল। এ ঘরান একশঅ আত্‌ লাম্বা, পঞ্চাশ আত্‌ পাদাজ্যে আর তিরিশ আত্‌ অজল এলঅ। এরস গাজর্‌ চের্‌ সুর খুদো উগুরে এরস গাজর ছাজি নেযেয়্যে টেগেনুন্‌ বোজেয়্যে এলঅ।

১ রাজাবলী 7:51

এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

১ রাজাবলী 8:66

তার্‌ কেল্যে রাজা মানুচ্চুনোরে বিদেয় দিলো। লগেপ্রভু তা চাগর্‌ দায়ূদ আর তা মানুচ্‌ ইস্রায়েলীয়গুনো উগুরে যেদক্কানি ভালেদি গোজ্যে সিয়েনত্তে অমকদ ফুত্তি আর হুজি ওইনে মানুচ্চুনে রাজারে ভালেদি জানেইনে ঘরত্‌ ফিরি গেলাক্।

১ রাজাবলী 9:10

লগেপ্রভুর ঘর আর রাজঘরান্‌ বানাদে শলোমনর্ কুড়ি বজর সময় লাক্ক্যে।

১ রাজাবলী 9:11

সোরর রাজা হীরমে শলোমনর্ আওজ মজিম্‌ এরস আর বেরস গাজ আর সনা যুগেই দিয়্যে বিলিনে রাজা শলোমনে গালীল দেজর্‌ কুড়িগান আদাম্‌ তারে দান গুরিলো।

১ রাজাবলী 9:19

তার বেক্‌ ভান্ডাল-শঅর্‌, রথ আর ঘোড়াচালেয়্যেগুনোত্তে শঅর্‌ বানেল, অত্তাৎ যিরূশালেম, লেবানন আর তার্‌ শাজনর অধীনোত্‌ যেদক্কানি রেজ্য এলঅ সিয়েনি ভিদিরে যিয়েনি যিয়েনি তে বানেবাত্তে চেইয়্যে সিয়েনি বেক্কানি গুরিলো।

২ বংশধর 7:1

শলোমনর্ তবনাগান থুম্‌ অলে স্বর্গত্তুন্‌ আগুন্‌ লামি এইনে পূজ্যে আর অন্য উৎসর্বর জিনিসছানিরে পুড়ি ফেলেল আর উবোসনা-ঘরান লগেপ্রভুর্‌ মহিমায় পরিপূরণ অলঅ।

২ বংশধর 7:11

লগেপ্রভুর ঘর আর রাজঘর বানেবাত্তে শলোমনর্ মনত্‌ যিয়েনি গুরিবার আওজ্ এলঅ সিয়েনি বেক্কানি তে গমেডালে থুম্‌ গুরিলো।

২ বংশধর 8:1

লগেপ্রভুর ঘরান আর তার্‌ নিজোর্‌ ঘরান বানাদে শলোমনর্ কুড়ি বজর্‌ সময় লাক্ক্যে।

২ বংশধর 8:6

তে বালৎ শঅর্‌ আর তার্‌ বেক্‌ ভান্ডাল-শঅরানি বানেল আর রথ আহ্‌ ঘোড়াসৈন্যগুনোত্তে কয়েক্কান্‌ শঅর্‌ বানেল। যিরূশালেমত্, লেবাননত্ আর তার্‌ শাজনর্ অধীনোত্‌ যেদক্কানি রেজ্য এলঅ সিয়েনি ভিদিরে তে যিয়েনি যিয়েনি বানেবাত্তে চেইয়্যে সিয়েনি বেক্কানি গুরিলো।

উপদেশক 2:10

মঅ চোগেদি যিয়েন্ গম্ লাগিদো মুই সিয়েনই গুজি লদুং; মুই নিজোরে বেক্ রঙ্গ-ফুত্তিগানি গুরিবাত্তে দিদুং। মর্ বেক্ কামানি ইদু মঅ মনানে হুজি অদঅ, আর ইয়েনই এলঅ মর্ বেক্ কামানির্ বক্‌শিজ্।

উপদেশক 2:4

মুই কয়েক্কান দাঙর্ দাঙর্ কাম গুরিলুং। মুই নিজোত্তে বোউত্ ঘর বানেলুং আর বোউত্ আংগুর ক্ষেত গুরিলুং।

উপদেশক 6:9

আরঅ পেবার্ আওজত্তুন্ বরং চোগেদি যিয়েন্ দেগা যায় সিয়েন্দোই হুজি থানা গম্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।