১ রাজাবলী 8:7 - Chakma Bible

⁷ সেক্কে করূবপুনোর মিলি দিয়্যে ডুয়োলোই সুন্দুক আর সিবে বুয়োই নেযেবার লুদিক্কুন্‌ নাঢা গেলঅ।

১ রাজাবলী 8:7 ပူးပေါင်းရင်းမြစ်များ

১ রাজাবলী 6:27

দাঙর্ পবিত্র জাগানত্‌ তে সে করূব দ্বিবে ডুয়ো মেল্যে গুরি রাগেল। ইক্কো করূবোর্ ডুয়োগানি এক দেবালত্‌ আর অন্য করূবোর ডুয়োগানি আরেক্‌ দেবালত্‌ বাজেয়্যে এলঅ আর ঘরর্‌ দ্বিসেরে তারার অন্য ডুয়ো দ্বিয়েন এক্কান আরেক্কানর মাঢাগান্‌ বাজেয়্যে রলঅ।

১ রাজাবলী 8:6

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

১ রাজাবলী 8:8

এ লুদিক্কুন্‌ এদক্‌ লাম্বা এলাক্কে, সিগুনোর মাঢাগুন ভিদিরে গুদিগুনোর মুজুঙেন্দি আজল্‌ গুদিগুন, অত্তাৎ পবিত্র জাগাত্তুন্‌ দেগা যেদঅ, মাত্তর্‌ পবিত্র জাগানর বারেত্তুন্‌ দেঘা ন-যেদঅ। সিগুন এজঅ সিদু আগন্‌।

যাত্রা 25:20

তারার্‌ দুয়োগানি উগুরেদি মিলি দিয়্যে থেবঅ‌ আর তার্‌ ছাবাবোর্‌ তলে থেবঅ‌ সুন্দুক্কোর্‌ ঢাগনিগান। করূপ্পুনে মুজুঙো-মুজুঙি থিয়্যেই‌ থেবাক্‌ আর তারার্‌ চোক্কুন্‌ থেবঅ‌ ঢাগনিগান ইন্দি।

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

গণাণা 4:6

সে পরেদি তারা শুশুকোর্‌ চামাড়ালোই সিবে নাঢিনে সিবে উগুরে এমন্‌ এক্কান্‌ কাবড়্‌ বিজেই দিবো যিবের বেক্কান্‌ য়েল্‌ রংয়র, আর সাক্ষ্য-সুন্দুগোর্‌ লাগাড়াগুন জাগা মজিম ভোরেই দিবে।

ইব্রীয় 9:5

সেই সিন্দুক্কো উগুরে গোজেনর্ মহিমালোই ভোজ্যে দ্বিবে সনার্ করূব এলঅ। তারার্ ডুয়োগানি সেই সিন্দুগোর ঢাগনি উগুরে মেল্যে এলঅ। এই ঢাগনিগান উগুরে পাপ ঢাগি দিয়্যে অদঅ। খালিক্ ইয়েনির্ টুগিটাগির্ কধা কনা ইক্কিনে সম্ভব নয়।