১ রাজাবলী 8:6 - Chakma Bible

⁶ সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

১ রাজাবলী 8:6 ပူးပေါင်းရင်းမြစ်များ

২ শমূয়েল 6:17

লগেপ্রভুর সুন্দুক্কো আনিনে মানুচ্চুনে সিবে দায়ূদোর বানেই-রাগেয়্যে তাম্বুলো ভিদিরে এক্কান জাগাত্‌ রাগেলাক্। দায়ূদে সেক্কে লগেপ্রভুর নাঙে পুজ্যে আর উদোলোলি-উৎসর্বর অনুষ্টান গুরিলো।

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

১ রাজাবলী 6:16

তবনা-ঘর ভিদিরে দাঙর্ পবিত্র জাগা নাঙে ইক্কো ভিদিরে গুদি বানেবাত্তে তে তবনা-ঘরর্‌ পিচ্চো ভাগত্ কুড়ি আত্‌ জাগা তলেত্তুন্‌ ধুরি দোন্‌দোমা সং এরস গাজ তক্তালোই ফারক্‌ গুরি নেযেল।

১ রাজাবলী 6:19

তবনা-ঘর ভিদিরে লগেপ্রভুর সুদোম-সুন্দুক্কো বোজেবাত্তে শলোমনে এবাবোত্যেগুরি দাঙর্ পবিত্র জাগাগান যুক্কোল্‌ গুরিলো।

১ রাজাবলী 6:27

দাঙর্ পবিত্র জাগানত্‌ তে সে করূব দ্বিবে ডুয়ো মেল্যে গুরি রাগেল। ইক্কো করূবোর্ ডুয়োগানি এক দেবালত্‌ আর অন্য করূবোর ডুয়োগানি আরেক্‌ দেবালত্‌ বাজেয়্যে এলঅ আর ঘরর্‌ দ্বিসেরে তারার অন্য ডুয়ো দ্বিয়েন এক্কান আরেক্কানর মাঢাগান্‌ বাজেয়্যে রলঅ।

১ রাজাবলী 8:3

ইস্রায়েলর বেক্‌ বুড়ো নেতাগুনে থুবোনার পরেন্দি ধর্মগুরুগুনে সুন্দুক্কো তুলি নিলাক্।

১ রাজাবলী 8:4

তারা আর লেবীয়গুনে লগেপ্রভুর সুন্দুক্কো, মিলন-তাম্বুলান আর বেক্‌ পবিত্র পিলেগুন নেযেলাক্।

১ রাজাবলী 8:7

সেক্কে করূবপুনোর মিলি দিয়্যে ডুয়োলোই সুন্দুক আর সিবে বুয়োই নেযেবার লুদিক্কুন্‌ নাঢা গেলঅ।

১ বংশধর 22:19

ইক্কিনে তুমি তমার গোজেন লগেপ্রভুর আওজ্‌ছান জানেবাত্তে তমা বেক্‌ মনান্‌-পরাণান্‌ ঠিগ্‌ গর আর লগেপ্রভুর নাঙে তার্‌ পবিত্র ঘরান্‌ বানেবাত্তে আরাম্ভ গুরি দুয়ো, যেনে সিয়েন ভিদিরে লগেপ্রভুর সুদোম-সুন্দুক্কো আর গোজেন পবিত্র জিনিসছানি আনিনে রাগা যায়।”

২ বংশধর 5:7

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগাত, তবনা-ঘরর্‌ ভিদিরে কামারাত্‌, অত্তাৎ দাঙর্ সুদ্ধো-সাংগ জাগানত্‌ করূবপুনোর ডুয়োগানির তলে নিইনে রাগেলাক্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 80:2

তুই ইফ্রয়িম, বিন্যামীন আর মনঃশি-গুট্টিগুনোর মুজুঙোত্ তর্ খেমতাগানরে জাগেই তুল আর আমারে উদ্ধোর গুরিবাত্তে আয়।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যাত্রা 37:9

তারার্‌ ডুয়োগানি উগুরেন্দি মিলি দিয়্যে অলঅ‌ আর সেই ডুয়োনির্‌ ছাবাত্‌ তলে এলঅ‌ সুন্দুগোর্‌ ঢাগনিগান। করূব্‌পুনে মুজুঙো-মুজুঙি গুরি ঠিয়্যেই থেলাক্‌ আর তারার্‌ চোক্কুন ঢাগনিগানন্দি।

যিশাইয় 37:16

“ও দ্বিস্বর্গদূদোর সংমোধ্যে থেইয়্যে বেগত্তুন্ খেমতাবলা লগেপ্রভু, ইস্রায়েলর গোজেন, তুই, বানা তুয়ই পিত্‌থিমীর বেক্ রেজ্যগানির গোজেন। তুই আগাজ্‌‌‌‌‌চান আর পিত্‌‌‌‌থিমীগানরে বানেয়োচ্।‌‌

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

যিহিষ্কেল 41:4

সে পরেদি তে ভিদিরে গুদিবোর্ মাপ্ নেযেল; সিবে লাম্বাদি এলঅ কুড়ি আত্ আর পাদাজ্যেদি এলঅ কুড়ি আত্ । তে মরে কলঅ, “ইয়েনই দাঙর্ সুুদ্ধো-সাংগ জাগা।”

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।