১ রাজাবলী 8:57 - Chakma Bible

⁵⁷ আমা গোজেন লগেপ্রভু যেধোক্ক্যেন আমা পূরোণি মানুচ্চুনোর সমারে এলঅ সেধোক্কেন্‌ তে আমা সমারেয়ো থোগ্। তে যেনে কনদিনঅ আমারে ছাড়ি ন-যায় বা ছাড়ি নঅ-দে।

১ রাজাবলী 8:57 ပူးပေါင်းရင်းမြစ်များ

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 31:8

লগেপ্রভু নিজে তমার আগে আগে যেবঅ আর তমা সমারে থেবঅ। তে কনদিনঅ তরে ছাড়িনে ন-যেবঅ বা বাদ ন-দিবো। তুই ন-দোরেচ্‌, মনবল ন-আরেচ্‌।”

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 24:23

যিহোশূয় কলঅ্‌, “সালে তমা ভিদিরে যিদুক্কুন্‌ দেব-দেবেদা আগন্‌ সিগুনোরে ইক্কিনে তুমি দূর্ গুরি দুয়ো আর ইস্রায়েলীয়গুনোর গোজেন লগেপ্রভু উগুরে তমার মনানি রাগঅ।”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।