১ রাজাবলী 8:52 - Chakma Bible

⁵² “তর্‌ চাগরুনোর আহ্ তর্‌ মানুচ্‌ ইস্রায়েলীয়গুনোর্‌ কোজোলিগানি তুই মনযোগ দিচ্‌, আর যেক্কে তারা তরে ডাগিবাক্‌ সেক্কে তুই তারার কধানি শুনিচ্‌।

১ রাজাবলী 8:52 ပူးပေါင်းရင်းမြစ်များ

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

১ রাজাবলী 8:53

ও প্রভু লগেপ্রভু, আমা পূরোণি মানুচ্চুনোরে মিসরত্তুন্‌ নিগিলে আনিবার অক্তত্‌ তঅ চাগর্‌ মোশিরে দিইনে তর্‌ কধা মজিম তর্‌ নিজোর সোম্বোত্তি অবাত্তে পিত্তিমীর্‌ বেক্‌ জাদ্‌তুনো ভিদিরেত্তুন্‌ তুই ইস্রায়েলীয়গুনোরে যুদো গুরি নেযেয়োচ্‌।”

২ বংশধর 6:40

ও মর্‌ গোজেন, এ জাগানত্‌ যেদক্কানি তবনা গরা অবঅ সিন্দি যেনে ইক্কিনে তঅ চোগকুন্‌ আর কানানি খুলো থায়।

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।