১ রাজাবলী 8:11 - Chakma Bible

¹¹ সে মেঘ্‌কানত্তে ধর্মগুরুগুনে সেবা-কাম গুরিবাত্তে ন-পারিলাক্, কিত্তেই লগেপ্রভুর মহিমালোই তা ঘরান্‌ ভুরি যেইয়্যে।

১ রাজাবলী 8:11 ပူးပေါင်းရင်းမြစ်များ

১ রাজাবলী 8:10

পবিত্র জাগাত্তুন্‌ ধর্মগুরুগুনে নিগিলি এজানার পরেন্দি লগেপ্রভুর ঘরর ভিদিরেন্দিগান মেঘ্‌কোই নাঢা গেলঅ।

১ রাজাবলী 8:12

সেক্কে শলোমনে কলঅ, “লগেপ্রভু, তুই কোইয়োচ্ছে তুই ঘুর্‌ঘুজ্যে মেঘত্‌ বজত্তি গুরিবে।

২ বংশধর 5:14

সে মেঘত্তে ধর্মগুরুগুনে তারার্‌ সেবা-কামানি গুরি ন-পারিলাক্‌, কিত্তে লগেপ্রভুর মহিমায় গোজেন ঘরান পেলেপেলে ওই যেইয়্যে।

গীতসংহিতা 90:16

তঅ চাগরুনো ইদু তর্ কামানি আর তারার পুঅ ছাগুনোর ইদু তর্ বাঈনী গরানাগান্ তুই ফগদাং গর্।

যাত্রা 29:43

ইস্রায়েলীয়গুনো লগে মুই সিদু দেগা গুরিম্‌ আর মর্‌ মহিমাগানে সেই জাগায়ানরে ফারক্‌ গুরি রাগেব।

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:35

থেবার-তাম্বুলান, অত্তাৎ মিলন-তাম্বুলান্‌ মেঘে ঢাক্ক্যা আর লগেপ্রভুর্‌ মহিমায় ভোজ্যে এলঅ‌ বিলিনে মোশি সিয়োত্‌ চোমেই ন-পারিলো।

যিশাইয় 6:1

যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।

যিহিষ্কেল 10:4

সে অক্তত্ লগেপ্রভুর মহিমাগান্ করূব্‌পুনো উগুরেত্তুন উদিনে উবোসনা-ঘরর্ ফ্রেমানি ইন্দি গেলঅ। উবোসনা ঘরান্ মেঘ্‌কোই ভুরি গেলঅ, আর সেক্কে লগেপ্রভুর মহিমাগানর্ পহ্‌রে উদোনান্ ভরা এলঅ।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

লেবীয় 9:23

ইয়েনর্ পরেদি মোশি আর হারোণে মিলন-তাম্বুলো ভিদিরে গেলাক্। সিয়োত্তুন্‌ নিগিলি এইনে তারা মানুচ্চুনোরে আশিদ্‌বাদ গুরিলাক্‌। সেক্কে বেক্‌ মানুচ্চুনো মুজুঙোত্ লগেপ্রভুর্ মহিমাগান্ দেগা দিলো।

লেবীয় 9:6

মোশি সেক্কে তারারে কলঅ, “লগেপ্রভুর্ মহিমা যেন তমা মুজুঙোত্ ফগদাঙ্‌ পায়্‌ সেনত্তে তে তমারে এদক্কানি গুরিবার উগুম্‌ দিয়্যে।”

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

প্রেরিত্‌ 7:55

মাত্তর্ স্তিফানে পবিত্র আত্মালোই ভর্‌‌‌‌‌‌পুনোং ওইনে স্বর্গ ইন্দি রিনি চেইনে গোজেনর্ মহিমাগান্ দেগিলো। তে যীশুরে গোজেনর্ ডেনেদি থিয়্যেই থাগদে দেগিনে কলঅ,

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ফগদাং পেইয়্যে 21:11

সেই শঅরানর্ চোক্‌চোক্ক্যেকান্ ভারী বেশ্ পাত্তরর্ চোক্‌চোক্ক্যে ধোক্ক্যেন, ফুদিগো ধোক্ক্যেন তেল্‌তেল্যে হীরা ধোক্ক্যেন।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;