১ রাজাবলী 7:51 - Chakma Bible

⁵¹ এবাবোত্যেগুরি রাজা শলোমনে লগেপ্রভুর ঘরর বেক্‌ কামানি থুম্ গুরিলো। সে পরেন্দি তে তা বাপ্পো দায়ূদে যেদক্কানি পযাপিরা লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি অলদে সনা, রূবো আর নানান বাবোত্যে পিলে। সিয়েনি তে লগেপ্রভুর ঘরর ধনভান্ডালত্‌ থোই দিলো।

১ রাজাবলী 7:51 ပူးပေါင်းရင်းမြစ်များ

১ রাজাবলী 15:15

তে আর তা বাপ্পো যেদক্কানি সোনা, রূবো আর অন্য জিনিস লগেপ্রভুর নাঙে যুদো গুরি রাগেয়োন সিয়েনি তে লগেপ্রভুর ঘরত্‌ নেযেল।

১ রাজাবলী 6:14

শলোমনে তবনা-ঘরান বানেইনে এধোক্ক্যেনগুরি থুম্ গুরিলো।

১ রাজাবলী 6:9

এবাবোত্যেগুরি তে তবনা-ঘরান বানেয়্যে আর সিয়েন থুেম্‌অ গোজ্যে। তে এরস গাজ তক্তা আর টেগেন্‌দোই সিয়েনর্‌ দোন্দোমাগান্ দিয়্যে।

২ রাজাবলী 25:15

আগুন্‌ রাগেবার্‌ পিলেগুন, কদরা আর সোনা-রূবোর অন্য বেক্‌ পযাপিরানিয়ো রাজার রোক্ষ্যেদলর সেনাপতিবো নেযেল।

২ বংশধর 5:1

এধোক্ক্যেন গুরিনে শলোমনে লগেপ্রভুর ঘরর্‌ বেক্‌ কামানি থুম্‌ গুরিলো। সে পরেন্দি তে তা বাপ্পো দায়ূদে যেদক্কানি জিনিস লগেপ্রভুর নাঙে যুদো গুরি রাগেয়্যে সিয়েনি আনিলো। সিয়েনি এলদে সোনা, রূবো আর নানান্‌ বাবোত্যে পিলে। সিগুন্‌ তে গোজেন ঘরর ধনভান্ডালত্‌ থোই দিলো।

২ বংশধর 8:15

রাজা দায়ূদে ভান্ডালর্ কনঅ পৌইদ্যেনে আর অন্য যে কনঅ পৌইদ্যেনে ধর্মগুরুগুনোরে আর লেবীয়গুনোরে যে উগুমানি দি যেইয়্যে সিয়েনি তারা অমান্য ন-গুরিলাক্‌।

ইষ্রা 6:15

রাজা দারিয়াবসর রাজাগিরির ছয় বজরত্ অদর মাজর্ তিন দিনোত্ উবোসনা-ঘরর্ কামান্ থুম অলঅ।

যাত্রা 40:33

ডালিপূজো আর থেবার-তাম্বুলানর চেরোকিত্তে তে পর্দাগান্‌ বিজেইনে উদোনর্ বেবস্থা গুরিলো আর সিয়েনর্‌ দোরানত্‌ পর্দাগান্ দিলো। ইঙিরিনে মোশি তার্‌ কামানি থুম্‌ গুরিলো।

সখরিয় 4:9

“সরুব্বাবিলর আঢ্‌‌তানিয়ে এ উবোসনা-ঘরর্ গড়াগান থিদেবর্ গোজ্যে আর তা আঢ্‌‌তানিয়ে সিয়েন থুম্ গুরিবো। সেক্কে মানুচ্চুনে হবর্ পেবাক্ যে, মুই বেগত্তুন্ খেমতাবলা লগেপ্রভু তরে তারাইদু পাদেয়োং। ‌‌